Башҡортостан һәм Өфө яңылыҡтары
92.59
+0.02
100.27
-0.14
86.25
+0.84
-2 °C
Ҡар
Бөтә яңылыҡтар
Иҡтисад
11 Ноябрь 2013, 18:59

Кәрәҙле элемтә «М» категориялы федераль трассаларҙы 2014 йылға тиклем тулыһынса ҡапларға тейеш

Төп федераль автомобиль юлдары 2014 йылға тиклем кәрәҙле элемтә менән тәьмин ителергә тейеш. Был хаҡта, РФ Элемтә һәм киң коммуникациялар министры Николай Никифоровҡа һылтанма яһап, “Яңылыҡтар” Рәсәй мәғлүмәт агентлығы хәбәр итә.
- Беҙҙең бөтә төп транспорт коридорҙары элемтә менән мөһим тәьмин ителергә тейеш, һәм беҙҙең алда 2014 йылда «М» категорияһы федераль трассаларын тулыһынса кәрәҙле элемтә япмаһы менән тәьмин итеү бурысы тора, — тип белдерҙе Никифоров граждандарҙың һаулығын һаҡлау мәсьәләләре буйынса хөкүмәт комиссияһы ултырышында.
Рәсәй Элемтә һәм киң коммуникациялар министры һүҙҙәренә ҡарағанда, база инфраструктураһына сығымдарҙы дәүләт үҙ өҫтөнә ала. Бизнес өсөн был проект килемле булмаһа ла, кәрәҙле элемтә операторҙары юлдарҙа ҡорамалдарҙы урынлаштырырға ризалаштылар.
Башҡортостан Республикаһы территорияһынан «М» категориялы федераль әһәмиәттәге ике трасса үтә – М5 «Урал» һәм М7 «Волга».
Автор:Эльвира Латипова
Читайте нас: