Бюджет өлкәһендә эшләгәндәрҙең эш хаҡын күтәреүгә Башҡортостан 600 миллион һум дотация аласаҡ

Андрей Старостин

Галина Бахшиева

Рәсәйҙең 70-тән ашыу төбәге бюджет өлкәһе хеҙмәткәрҙәренең эш хаҡын күтәреүгә 40 миллиард һум дотация аласаҡ, шуның 599094,1 мең һумы Башҡортостанға тура килә.

Был турала ил Хөкүмәте бойороғона Премьер-министр Дмитрий Медведев 2013 йылдың 24 октябрндә ҡул ҡуйҙы.

Хөкүмәттең матбуғат хеҙмәтенән хәбәр итеүҙәренсә, Рәсәй Федерацияһы Президентының 2012 йылдың 7 майындағы указдарына ярашлы, дотация бюджет өлкәһендә эшләүсе хеҙмәткәрҙәрҙең эш хаҡын арттырыуға өҫтәмә сығымдарҙы өлөшләтә компенсациялауға бирелә.

Күпселек дотацияны Татарстан Республикаһы – 2212665,3 мең һум, Силәбе өлкәһе – 1970626,4 мең һум, Саха (Яҡут) Республикаһы – 1887339,1 мең һум, Дағстан Республикаһы – 1821903,9 мең һум, Түбәнге Новгород өлкәһе – 1184002,4 мең һум һәм Байкал аръяғы крайы – 1248779,1 мең һум аласаҡ.

«Дотацияны бүлгәндә Рәсәй Федерацияһы суъекттарында дәүләт власы органдарының 2013 йылда һаулыҡ һаҡлау, мәғариф, мәҙәниәт һәм халыҡты социаль хеҙмәтләндереү өлкәләрендә хеҙмәтләндереү сифатын һәм һөҙөмтәлелеген күтәреү саралары («юл карталары») пландарын нисек үтәүҙәре иҫәпкә алынды», — тип әйтелә РФ Хөкүмәтенең матбуғат хеҙмәте белдереүендә.

2013 йылда бюджет хеҙмәткәрҙәренең эш хаҡын арттырыуҙы был өлөшләтә компенсациялауға 100 миллиард һум күләмендә дотация ҡаралғайны, шуның 60 миллиард һумы 78 төбәк бюджеттары араһында бүленгән дә инде. Хөкүмәттең һуңғы бойороғона ярашлы, дотацияның ҡалған 40 миллиард һум суммаһы Рәсәй Федерацияһының 75 субъекты араһында бүленәсәк.

Башҡортостандың Хеҙмәт һәм халыҡты социаль яҡлау министрлығы сайтында хәбәр ителеүенсә, дотациялар бүлеүгә бюджет тәьминәте юғары булған Мәскәү, Төмән өлкәһе, Ханты-Манси һәм Ямал-Ненец автономиялы округтары, шулай уҡ Архангель өлкәһе бюджеты аша федераль бюджеттан финанс ярҙамы алған Ненец автономиялы округы инмәне.

#хөкүмәт бойороғо #эш хаҡы #бюджет хеҙмәткәрҙәре

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.