Торлаҡты сафҡа индереү күләмдәре буйынса Башҡортостан Волга буйы федераль округында икенсе урында килә

Олег Яровиков

Розалия Вәлиева

Ғинуар-сентябрь айҙарында дөйөм һәм йән башына иҫәптә торлаҡты сафҡа индереү буйынса Башҡортостан Волга буйы федераль округында икенсе урында килә. Башҡортостанстат хәбәр итеүенсә, туғыҙ ай эсендә республикала 1638,1 мең квадрат метр торлаҡ төҙөлгән, ә күрше Татарстанда – 1709,1 мең квадрат метр. Өсөнсө урында – Түбәнге Новгород өлкәһе – унда 711,3 мең «квадрат» торлаҡ сафҡа индерелгән.

Башҡортостан территорияһында барлығы 2013 йылдың ғинуар-сентябрь айҙарында барлыҡ финанслау сығанаҡтары иҫәбенә 17532 фатир файҙаланыуға тапшырылған, үткән йылдың ошо уҡ осоро менән сағыштырғанда, был 114,1 процентҡа тиң. Төбәктә 1000 кешегә иҫәптә 403 «квадрат» дөйөм торлаҡ майҙаны тура килә.

Төҙөлгән торлаҡ күләменәң 81,2 проценты шәхси төҙөүселәргә тура килә (бер йыл элек был күрһәткес 76,3 процентҡа тиң ине). Граждандар үҙ аҡсаһына һәм кредиттар ярҙамында 11958 шәхси йорт төҙөгән – былтырғы ғинуар-сентябрь күрһәткесенә ҡарата был 121,5 процент.

Башҡортостан предприятиелары һәм ойошмаларының торлаҡ төҙөү темптары түбәнәйҙе. 2013 йылдың ғинуар-сентябрь айҙарында 307,6 мең квадрат метр торлаҡ төҙөлгән. Дөйөм торлаҡ майҙанынының 72 проценты күп ҡатлы күп фатирлы йорттарға, 26 проценты аҙ ҡатлы йорттарға һәм 1,4 проценты дөйөм ятаҡтарға тура килә. Былтыр ошо уҡ осорҙа республикала 340,4 мең «квадрат» торлаҡ файҙаланыуға тапшырылғайны.

#статистика #торлаҡ төҙөү

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.