Республика делегацияһы Рәсәйҙең Ҡаҙағстандағы сауҙа вәкиле менән осрашты

Эльвира Латипова

Ҡаҙағстан менән тауарҙар әйләнеше буйынса Башҡортостан Рәсәйҙең тәүге биш төбәге иҫәбенә инә. Дүшәмбе, 16 сентябрҙә, Астанала Рәсәйҙең Ҡаҙағстандағы сауҙа вәкиле Александр Яковлевтың Башҡортостан делегацияһы менән осрашыуында республика вәкиллегенең ике яҡлы хеҙмәттәшлекте киңәйтеүгә индергән өлөшө хаҡында әйтелде. Осрашыуҙа һүҙ республиканың иҡтисади презентацияһын үткәреүгә әҙерлек тураһында барҙы. Башҡортостан презентацияһы Астанала октябрҙә үтәсәк, тип хәбәр иттеләр «2015 йылда Өфө ҡалаһында ШОС һәм БРИКС сараларын үткәреү өсөн шарттар булдырыу буйынса проекттарға ярҙам итеү офис-төркөмө» автономиялы коммерцияға ҡарамаған ойошмаһының матбуғат хеҙмәтенән.

БР Хөкүмәте Премьер-министры урынбаҫары Салауат Сәғитов сауҙа вәкиленә презентацияға әҙерлек тураһында һөйләне һәм ике яҡлы осрашыуҙарҙа тикшереләсәк төп мәсьәләләрҙе билдәләне.

Александр Яковлев һүҙҙәренсә, октябрҙә үтәсәк презентация Ҡаҙағстан эшҡыуарҙарында ҙур ҡыҙыҡһыныу уята, уларҙың күптәре - Рәсәйҙең Ҡаҙағстандағы илселеге ҡарамағындағы Эшлекле совет ағзалары, «Рәсәй - Ҡаҙағстан» клубы составына инә.

БР Иҡтисади үҫеш министрлығы мәғлүмәттәренә ярашлы, Башҡортостан менән Ҡаҙағстан араһындағы тауарҙар әйләнеше күләме 2012 йылда 193,5 миллион АҠШ доллары тәшкил иткән, шул иҫәптән 192 миллион доллар – экспорт. 2013 йылдың тәүге ярты йыллығы йомғаҡтары буйынса үҙ-ара сауҙа итеү күләме 39,2 миллион доллар тәшкил иткән. Тышҡы сауҙа әйләнеше күләме буйынса Ҡаҙағстан Башҡортостандың партнер илдәре араһында 28 урында тора, уның өлөшө 0,6 процент тәшкил итә.

#презентациялар #тышҡы бәйләнештәр #визиттар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.