Воскресенье, 17 Мая 2026

Уфа

+14 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

10:00 (UTC+5), 05 Сентября 2013

Башҡортостан Президенты Astec Inc компанияһы вәкилдәре менән хеҙмәттәшлек итеү мөмкинлектәрен тикшерҙе

Галина Бахшиева

Башҡортостан Президенты Рөстәм Хәмитов 5 сентябрҙә Astec Inc компанияһының (АҠШ) халыҡ-ара һатыуҙар буйынса вице-президенты Раджи Элмаула менән осрашты. Осрашыуҙа республикала юл төҙөлөшөндә ҡулланылған юғары сифатлы компоненттар етештереү мөмкинлектәре тикшерелде.

— Беҙҙең компания асфальт етештереү заводтарын булдырыу буйынса лидер булып тора. Башҡортостан Президенты менән осрашыу барышында төбәктең юлдар селтәрен үҫтереү, шулай уҡ юлдар төҙөү өсөн ҡатышма әҙерләү буйынса производстволарҙы яңыртыу мәсьәләләрен тикшерҙек. Республиканың юлдар селтәре иң юғары стандарттарға яуап бирергә тейеш, - тип аңлатты журналистарға Раджи Элмаула.

Уның һүҙҙәренсә, Astec Inc компанияһының технологияһы бөгөнгө көндә Төньяҡ Америкала, шулай уҡ Австралия, Европа һәм Яҡын Көнсығышта уңышлы тормошҡа ашырыла. Әлегә Башҡортостанда компоненттар етештереү мөмкинлеге тикшерелә, тип хәбәр итте компанияның вице-президенты.

— Һеҙҙең республика менән хеҙмәттәшлек итеү тураһында һөйләшеп килештек, - тине Раджи Элмаула.

Көн элгәре Astec Inc компанияһы вәкилдәре буласаҡ производство өсөн бер нисә майҙансыҡты ҡараны. Улар Ағиҙел һәм Өфө ҡалаларында урынлашҡан.

— Техник мәсьәләләрҙе ентекле тикшереү өсөн беҙгә, әлбиттә, ваҡыт кәрәк. Тәү сиратта, республикала производство булдырыу, шулай уҡ был секторға заманса ҡорамалдар йәлеп итеү мөмкинлектәрен тикшереү мөһим, - тип билдәләне Astec Inc компанияһының вице-президенты.

Иҫегеҙгә төшөрәбеҙ, Башҡортостанда Американың юлдар комплексы предприятиелары менән эшләү буйынса ыңғай тәжрибә бар. Өфөлә Америка, Германия һәм Башҡортостандың берлектәге предприятиеһы - TerraCrete Technologies теркәлгән. Тикшереү һөҙөмтәләре буйынса, предприятиеның талаптарға ярашлы һәм һөҙөмтәле эшләүе иҫбатланған.

1 из 12

#бр президенты #эшлекле хеҙмәттәшлек #аҡш

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.