Пятница, 17 Апреля 2026

Уфа

+7 °С

Главное Иҡтисад Йәмғиәт Үҙебеҙҙекеләрҙе ташламайбыҙ Мәҙәниәт Сәйәсәт Спорт Хәл-ваҡиғалар

|Последние новости

Главная/Иҡтисад

12:53 (UTC+5), 04 Июня 2013

Йәмәғәт советы 2020 йылға тиклем Башҡортостанды инвестицион йәһәттән үҫтереү стратегияһы проектын тикшерҙе

Эльвира Латипова

2020 йылға тиклем Башҡортостанды инвестицион йәһәттән үҫтереү стратегияһы шишәмбе, 4 июндә, БР Президенты ҡарамағындағы Инвестицион мөхитте яҡшыртыу буйынса йәмәғәт советы ултырышында тикшерелде.

Һуңғы йылдарҙағы инвестицион процесс һөҙөмтәләре хаҡында һүҙ йөрөтөп, республика Президенты Рөстәм Хәмитов яҡшы динамика күҙәтелеүен билдәләне.

— Үткән йылда төп капиталға инвестициялар күләме 233 миллиард һум тәшкил итте. 2011 йылдағы күрһәткестәр менән сағыштырғанда, был 8 процентҡа күберәк, - тине төбәк башлығы. – Рәсәй буйынса был һан 6,6 процент тәшкил итә. Инвестициялар күләме буйынса республика илдә 15-се урындан 12-сегә күтәрелде.

Сит ил инвестициялары һуңғы йыл эсендә ике тапҡырға артып, 600 миллион доллар тәшкил итте. Быйыл динамика шул кимәлдә һаҡлана.

— Ғинуар-март айҙарында инвестициялар күләме 33 миллиард һум тәшкил итте, үткән йылдың ошо уҡ осоро менән сағыштырмаса, был яҡынса 20 процентҡа күберәк, - тип билдәләне Рөстәм Хәмитов. – Округ төбәктәре араһында беҙҙең республика беренсе квартал йомғаҡтары буйынса инвестициялар күләме буйынса - дүртенсе урында, йән башына иҫәптә инвестициялар күләме буйынса етенсе урында килә.

Президент һүҙҙәренсә, быйыл сит илдән йәлеп ителгән инвестициялар күләменең ярайһы уҡ артыуы күҙәтелә. Ғинуар-март айҙары йомғаҡтары буйынса ул 140 миллион доллар тәшкил итте, үткән йылдың ошо уҡ осоро менән саыштырғанда, был 3,5 тапҡырға күберәк. Иң күп инвестициялар Кипр, Австрия, Германия һәм Корея Республикаһы компанияларынан йәлеп ителде.

Башҡортостан – 12 пилот төбәктәрҙең береһе. Был илдәрҙә Башҡарма власть органдарының уңайлы инвестицион мөхит булдырыу буйынса эшмәкәрлеге стандарты индерелә. Был йүнәлештәге эште Рөстәм Хәмитов уңышлы тип билдәләне – «үткән йыл йомғаҡтары буйынса 15 пункттың 9-ы тормошҡа ашырылды».

Әлеге стандартты тормошҡа ашырыу буйынса эшмәкәрлек сиктәрендә Башҡортостанда 2020 йылға тиклем республиканы инвестицион йәһәттән үҫтереү стратегияһы әҙерләнә. Уның проектын БР Хөкүмәте Премьер-министры урынбаҫары – Йәмәғәт советы рәйесе урынбаҫары Евгений Маврин тәҡдим итте. Документ өҫтөндә БР Иҡтисади үҫеш министрлығы һәм «Эксперт РА» белгестәре эшләгән.

Вице-премьер 2015 йылға үтәлергә тейеш ҡайһы бер бурыстарҙы атаны. Шулай итеп, республикала тулайым төбәк продуктының уртаса йыллыҡ үҫеш темптары 107 процентҡа етергә тейеш. Тулайым төбәк продукты структураһында инвестициялар күләмен 27 процентҡа тиклем арттырыу планлаштырыла (2012 йыл йомғаҡтары буйынса 23 процент ине). 2015 йылға Башҡортостан һалым базаһының үҫеш тептары буйынса Рәсәйҙең биш алдынғы төбәге иҫәбенә инәсәк, тип планлаштырыла. Ауыл хужалығы өлкәһе тулайым төбәк продуктының 10 процентын тәшкил итергә тейеш. Ауыл ерендә эшһеҙлек кимәле 8 процентҡа тиклем кәмергә тейеш.

Стратегия проектын эшләп бөткәндән һуң, ул БР Хөкүмәте ултырышында тикшереләсәк.

1 из 14

#бр президенты #бр хөкүмәте #инвестициялар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.