Рөстәм Хәмитов Moody’s Investors Service рейтинг агентлығы аналитиктары менән осрашты

Эльвира Латипова

Башҡортостан Президенты Рөстәм Хәмитов Moody’s Investors Service халыҡ-ара рейтинг агентлығы вәкилдәре – вице-президент, баш аналитик Александр Проклов һәм кесе аналитик Елена Федермеер менән осрашты.

Аналитиктар Өфөгә республиканың сәйәси һәм социаль-иҡтисади хәленә, федераль власть органдарына бәйле мәсьәләләрҙе тикшереү маҡсатында килгән.

Осрашыуҙа илдә иҡтисади үҫештең тотҡарланыуын һәм социаль бурыстар артыу сәбәпле төбәк бюджетына өҫтәмә көс төшөүен иҫәпкә алып, урта сроклы перспективаға үҫеш йүнәлештәре темаһына айырыуса иғтибар бүленде.

Рөстәм Хәмитов аналитиктар иғтибарын инвестиция проекттарына йүнәлтте. «Улар алдағы дүрт-биш йылда тормошҡа ашырыласаҡ һәм республиканың һалым, килем базаһын ярайһы уҡ ҙурайтасаҡ, шулай итеп, төбәктең финанс хәле тотороҡланасаҡ». Алға китеш «яңы предприятиелар төҙөү, индустриаль парктар, сәнәғәт кластерҙары булдырыу ярҙамында» тәьмин ителәсәк.

— Беҙҙә 100-гә яҡын проект тормошҡа ашырыла, уларҙың дөйөм хаҡы 500 миллиард һум тәшкил итә, - тине Президент.

Инфраструктура проекттары, Рөстәм Хәмитов фекеренсә, иҡтисад өлкәһендә ыңғай роль уйнаясаҡ. Һүҙ Ҡытай – Көнбайыш Европа автомобиль юлы, Мәскәү – Ҡазан – Екатеринбург юғары тиҙлекле магистралдәре һәм Ағиҙел ҡалаһында ҙур йылға порты төҙөү тураһында бара.

Журналистар менән аралашып, Александр Проклов Башҡортостандың социаль-иҡтисади хәленә баһа бирҙе.

— Республикалағы хәлдәргә, уның бөтә йүнәлештәрҙәге сәйәсәтенә ыңғай ҡараштабыҙ, - тине баш аналитик.

Уның һүҙҙәренсә, агентлыҡ шулай уҡ республиканың инвесторҙарға, ҙур компанияларға ҡарата йылдан-йыл асығыраҡ була барыуы менән дә ҡәнәғәт.

Йыл ярым элек Башҡортостандың кредит рейтингы «ыңғай» тигәнгә үҙгәртелде. Тимәк, бөтә йүнәлештәр буйынса ла үҫеш бар, тип билдәләне Александр Проклов.

Moody’s баһаһы буйынса, республика кредитҡа һәләтлек буйынса Мәскәү, Санкт-Петербург һәм Ханты-Манси автономиялы округынан ғына ҡалыша.

1 из 6

#рейтингтар #инвестициялар #бр президенты

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.