Төбәктә торлаҡ төҙөлөшө күләмдәре ғинуар-апрель айҙарында 13,5 процентҡа артҡан

Эльвира Латипова

Башҡортостанда ғинуар-апрель айҙарында барлыҡ финанслау сығанаҡтары иҫәбенә 4864 фатир файҙаланыуға тапшырылған, уларҙың дөйөм майҙаны 458,4 мең квадрат метр тәшкил итә, тип хәбәр итә Башҡортостанстат. 2012 йылдың ошо уҡ осоро менән сағыштырғанда, был 13,5 процентҡа күберәк.

249,2 мең квадрат метр торлаҡ – ауыл ерендә, 209,2 мең квадрат метры ҡалаларҙа төҙөлгән.

Статистиктар торлаҡ төҙөлөшө йәһәтенән предприятие һәм ойошмаларҙың әүҙемләшеүен билдәләй. Улар 96,6 мең квадрат метр торлаҡ төҙөгән, үткән йылдың ғинуар-апрель айҙары менән сағыштырмаса, был 69,4 процентҡа күберәк. Шуларҙың 63,4 мең квадрат метры – күп ҡатлы йорттар, 33,2 меңе – аҙ ҡатлы йорттар.

Халыҡ үҙ иҫәбенә һәм кредит ярҙамында 3246 йорт төҙөгән, уларҙың дөйөм майҙаны 361,8 мең квадрат метр тәшкил итә (2012 йылдың тәүге дүрт айына ҡарата плюс 4,3 процент).

Быйыл сафҡа индерелгән торлаҡтың төп өлөшө элеккесә шәхси йорттарға тура килә. Шул уҡ ваҡытта Башҡортостандың торлаҡ төҙөлөшө структураһында уларҙың өлөшө бер йыл эсендә 85,9 проценттан 78,9-ға тиклем кәмегән.

Волга буйы федераль округында Башҡортостан ғинуар-апрель айҙарында торлаҡ төҙөлөшө күләмдәре буйынса икенсе позицияны биләй. Беренсе урында Татарстан килә: унда был ваҡыт эсендә 880,8 мең квадрат метр торлаҡ төҙөлгән. Йән башына иҫәптә торлаҡты файҙаланыуға тапшырыу буйынса Башҡортостан округта дүртенсе урында килә.

#статистика #төҙөлөш #торлаҡ

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.