Вторник, 20 Октября 2026

Уфа

+5 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Последние новости

Төп бит/Иҡтисад

14:02 (UTC+5), 22 Мая 2013

Өфөлә Euromoney инвестиция форумы асылды

Эльвира Латипова

Өфөнөң Конгресс-холында Euromoney инвестиция форумы асылды. Сара ағымдағы йылда төҙөлгән хеҙмәттәшлек тураһындағы килешеүгә ярашлы Euromoney компанияһы менән берлектә Башҡортостан Хөкүмәте менән ойошторолдо.

БР Хөкүмәте Премьер-министры урынбаҫары Евгений Маврин форумды асыу тантанаһында сығыш яһап, республиканы социаль-иҡтисади йәһәттән тотороҡло үҫтереү буйынса тәҡдимдәр әҙерләүҙә Euromoney компанияһы менән хеҙмәттәшлек итеү мөмкинлектәре хаҡында һөйләне.

— Үҫеш йүнәлештәрен аныҡ билдәләнек һәм уларҙы үҙгәртергә йыйынмайбыҙ, - тип билдәләне Евгений Маврин.

Euromoney форумы Өфөлә иҡтисад өлкәһендәге башҡа мөһим саралар - «Газ. Нефть. Технологиялар-2013» күргәҙмәһе һәм «Ҙур химия» форумы – менән бер ваҡытта уҙғарыла.

Euromoney Institutional Investor PLC директоры Тристан Хиллгарт Башҡортостанды үҫтереү программаһының аныҡ булыуын билдәләне. Шул уҡ ваҡытта, уның һүҙҙәренсә, ниндәй ҙә булһа стратегияны һәм ниәттәрҙе тормошҡа ашырыу өсөн, пландарҙы эш һөҙөмтәләре менән бутарға ярамай, бөтә ҡатлам кешеләре был стратегияны аңларға һәм ҡабул итергә тейеш, шулай уҡ кеше капиталының ни тиклем мөһим булыуын аңларға кәрәк. Хиллгарт әфәнде иҫәпләүенсә, Башҡортостанға был факторҙар яҡшы таныш.

Форум көн дауамында фекер алышыуҙар форматында барасаҡ. Тәүгеһе «Башҡортостан 2013 йылда һәм киләсәктә: төп иҡтисади мөмкинлектәрҙе үҫтереү һәм файҙаланыу» темаһы буйынса үтәсәк. Шулай уҡ сара сиктәрендә түңәрәк өҫтәл ойоштороласаҡ.

Инвестиция форумы барышында Башҡортостан Хөкүмәте менән Бөтә донъя банкы араһында хеҙмәттәшлек тураһындағы килешеүгә ҡул ҡуйыу, шулай уҡ республиканың Иҡтисади үҫеш министрлығы менән Ernst&Young компанияһы араһында килешеү төҙөү планлаштырыла.

1 из 16

#форумдар #euromoney #инвестициялар #тышҡы бәйләнештәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.