Рөстәм Хәмитов Салауатта «Акрил кислотаһы һәм акрилаттар» комплексын төҙөү проекты менән танышты

Ғәлиә Нәбиева

Дүшәмбе, 6 майҙа, Башҡортостан Президенты Рөстәм Хәмитов Салауат ҡалаһына эш сәфәре барышында акрил кислотаһы етештереү буйынса комплекс төҙөү проекты менән танышты. Республика етәксеһе ҡала мэры вазифаһын башҡарыусы һәм «Газпром нефтехим Салауат» асыҡ акционерҙар йәмғиәтенең генераль директоры Дамир Шәүәлиев менән яңы производство өсөн әҙерләнгән майҙансыҡты ҡараны.

2015 йылда «Газпром нефтехим Салауат» асыҡ акционерҙар йәмғиәте акрил кислотаһы һәм бутилакрилат комплексын файҙаланыуға тапшырырға планлаштыра. Рөстәм Хәмитовҡа һөйләүҙәренсә, уның составына өс производство инәсәк. Комплекс тулы ҡеүәтенә эшләй башлаһа, Рәсәйҙә был предприятиеға конкуренттар булмаясаҡ. Бөгөнгө көндә Новгород өлкәһенең «Акрилат» асыҡ акционерҙар йәмғиәте илдә акрил мономерҙары етештергән берҙән бер предприятие булып тора.

2016 йылға тиклем «Газпром нефтехим Салауат» акрил комплексын төҙөүгә 25 миллиард һум аҡса тотонорға планлаштыра. Проектты тормошҡа ашырыу Рәсәйҙә акрил мономерҙары нигеҙендә эшләнгән продукция баҙарын үҫтереүгә этәргес көс булып торасаҡ.

Киләсәктә акрил кислотаһын һәм акрилаттарҙы эшкәртеү буйынса тулы линия булдырыу планлаштырыла. Алдағы ваҡытта Салауат ҡалаһында сеймал етештереү һәм Стәрлетамаҡта уны эшкәртеү буйынса берҙәм комплекс төҙөү ҡарала. Бындай нефть химияһы продукцияһы комплексы Бөтә Рәсәй газ химияһы үҙәгенә нигеҙ һалырға тейеш.

Яңы комплекс «Газпром нефтехим Салауат» асыҡ акционерҙар йәмғиәте структураһына ингән «Мономер» заводы биләмәһендә урынлашасаҡ. Mitsubishi Heavy Industries компанияһы комплекс проектын, кәрәкле документация һәм төҙөлөш өсөн майҙансыҡтың генераль планын әҙерләгән дә инде.

1 из 10

#бр президентының эш сәфәрҙәре

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.