Башҡортостан менән Финляндия машиналар эшләү, био һәм IT-технологиялар өлкәһендә хеҙмәттәшлек итәсәк

Финляндияның Мәшғүллек һәм иҡтисади үҫеш министрлығында иҡтисади хеҙмәттәшлек буйынса Рәсәй-Финляндия хөкүмәт-ара комиссияһының Төбәк-ара хеҙмәттәшлек буйынса эш төркөмө ултырышы үтте. Уның эшендә Башҡортостан Хөкүмәте Премьер-министры урынбаҫары Илшат Тажетдинов ҡатнашты, республика Президенты ҡушыуы буйынса ул әлеге ил менән тышҡы иҡтисади бәйләнештәр үҫешенә контроллек итә.

Ултырышта эш төркөмөнөң төбәк бүлексәләре эшмәкәрлеге һөҙөмтәләре тикшерелде, уның эш тәртибе, Рәсәй менән Финляндия араһындағы иҡтисади хеҙмәттәшлектең төп йүнәлештәре билдәләнде.

Хеҙмәттәшлекте үҫтереү маҡсатында апрелдә Хельсинки ҡалаһында сауҙа-иҡтисади хеҙмәттәшлек буйынса Башҡортостан-Финляндия эш төркөмө ултырышын үткәреү планлаштырыла. Унда машиналар эшләү, IT-технологиялар, төҙөлөш, логистика, биотехнологиялар һәм медицина өлкәләрендә хеҙмәттәшлек итеү мөмкинлектәре тикшереләсәк.

Вице-премьер бер нисә эшлекле һөйләшеү үткәрҙе. Атап әйткәндә, ул «SRV Group» һәм «Pontos Oy» корпорацияларының директорҙар советы рәйесе Илпо Коккила менән осрашты.

Осрашыуҙа БР Иҡтисади үҫеш министрлығының Финляндиялағы вәкиле Ариф Хәйретдин ҡатнашты, тип хәбәр иттеләр республика Хөкүмәтенең матбуғат хеҙмәтенән.

Автор:Сергей Захаров

Теги:халыҡ-ара хеҙмәттәшлек визиттар финляндия

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».