Михаил Бабич: «2013 йылға беҙҙең бурыс – эконом класындағы торлаҡ төҙөлөшөн киң йәйелдереү»

Эльвира Латипова

«Эконом класындағы торлаҡ төҙөлөшөнөң норматив-хоҡуҡи базаһын формалаштырыу һәм ойоштороу йәһәтенән уны киң ҡоласлы үҫтереү 2013 йылға беҙҙең бурыс булып тора», — тине журналистарға РФ Президентының Волга буйы федераль округындағы Тулы хоҡуҡлы вәкиле Михаил Бабич Өфөлә торлаҡ төҙөлөшө мәсьәләләре буйынса кәңәшмәнән һуң.

РФ Президентының Тулы хоҡуҡлы вәкиле билдәләүенсә, әлеге ваҡытта Рәсәй был мәсьәләне хәл итеүҙә юлдың башында ғына әле: эконом класындағы торлаҡ төҙөлөшөн киң йәйелдереү мөмкинлегенә тик федераль Торлаҡ төҙөлөшө фонды ғына эйә. Торлаҡ төҙөлөшө фонды ғына хаҡтарҙы кәметеүгә аукциондар үткәрә ала. «Ер участкаһы төҙөүсегә нуль ставкаһы буйынса тәҡдим ителә, ә төҙөүсе торлаҡты билдәле бер хаҡ буйынса файҙаланыуға тапшырырға тейеш», — тип аңлатты Михаил Бабич. Бындай механизм төбәктәр өсөн дә ҡулай. Субъекттарҙа эконом класындағы торлаҡ төҙөү өсөн аукционға тәҡдим итерлек ерҙәр инвентаризациялана.

— Быларҙың барыһы ла тейешле федераль закон ҡабул ителгәндән һуң эшләнәсәк. Закон Дәүләт Думаһына тәҡдим ителгән, беренсе уҡыуҙа ҡаралған, - тип хәбәр итте РФ Президентының Тулы хоҡуҡлы вәкиле.

Башҡортостан Президенты Рөстәм Хәмитов фекеренсә, «айлыҡ эш хаҡы бер квадрат метр хаҡына тура килергә тейеш, шул осраҡта ғына кеше үҙ киләсәген төҫмөрләй аласаҡ». Бөгөн бындай нисбәт тураһында һүҙ йөрөтөп булмай. Республикала был йүнәлештә ҡайһы бер эштәр башҡарыла: социаль яҡланмаған халыҡ ҡатламы өсөн торлаҡ төҙөлә. Былтыр 80 мең квадрат метр сафҡа индерелгән, 2013 йылға 120-150 мең планлаштырылған. Был тәүге аҙымдар, тип билдәләне Президент. Мәсьәләне системалы рәүештә хәл итеү зарур, норматив-хоҡуҡи база булдырыуҙан башларға кәрәк.

Михаил Бабич һүҙҙәренсә, ошодай уҡ бурыстар барлыҡ субъекттар алдында тора, шуға күрә мәсьәләне Рәсәйҙең бөтә төбәктәре кимәлендә хәл итергә кәрәк. РФ Президентының Тулы хоҡуҡлы вәкиле һүҙҙәренсә, Рәсәй Төбәктәр үҫеше министрлығы менән берлектә махсус эш төркөмө булдырыласаҡ.

1 из 2

#төҙөлөш #визиттар #бр президенты

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.