ШОС һәм БРИКС саммиттарына Өфөнөң ҡайһы бер көнүҙәк мәсьәләләре хәл ителәсәк

Эльвира Латипова

2015 йылда үткәреләсәк халыҡ-ара саммиттар – Шанхай хеҙмәттәшлек ойошмаһы ағзалары булған дәүләт башлыҡтары Советы ултырышы һәм БРИКС дәүләттәре һәм хөкүмәттәре башлыҡтарының осрашыуы – Өфө өсөн көнүҙәк булған ҡайһы бер мәсьәләләрҙе хәл итеүҙә ярҙам итәсәк. Шул уҡ ваҡытта самиттарға ҡарата ниндәй ҙә булһа объекттар төҙөү планлаштырылмай. Был хаҡта ИТАР-ТАСС агентлығының Өфөләге төбәк бүлексәһендә шишәмбе, 5 февралдә, үткән матбуғат конференцияһында БР Хөкүмәте Премьер-министры урынбаҫары Салауат Сәғитов хәбәр итте.

Вице-премьер әҙерлек сараларын финанслау күләменең яҡынса 60 миллиард һум тәшкил итәсәген билдәләне. Федераль һәм республика бюджеттарынан, шулай уҡ инвесторҙарҙан яҡынса 20-шәр миллиард һум йәлеп ителәсәк. Шул уҡ ваҡытта төбәк бюджетынан социаль өлкәгә йүнәлтелгән средстволар күләме (улар бюджеттың 76 процентын тәшил итә) үҙгәрешһеҙ ҡаласаҡ, тип ышандырҙы Салауат Сәғитов.

Өфөләге ҡайһы бер объекттарҙы төҙөү һәм реконструкциялау эштәре тиҙләтеләсәк. Шулай итеп, «Өфө» аэропортындағы халы-ара терминалды реконструкциялау сроктары күсерелә. Бығаса «Өфө» аэропорты өсөн 2015 йылда средстволар бүлеү планлаштырылғайны. Саммиттар үткәреү айҡанлы был ваҡыт күсерелде. «Федераль һауа транспорты агентлығы 2,3 миллиард һум күләмендә аҡса йүнәлтте лә инде», — тип хәбәр итте Салауат Сәғитов.

Алдағы ике йыл ярым эсендә Өфөнөң көньяғында урынлашҡан иҫке йорттарҙан граждандарҙы күсереү, «Нефтсе» мәҙәниәт йортон, Башҡорт дәүләт университеты корпусын реконструкциялау мәсьәләләре хәл ителәсәк. «Рәсәй тимер юлдары» асыҡ акционерҙар йәмғиәте средстволары иҫәбенә Өфөнөң тимер юл вокзалын реконструкциялауҙы тамамлау мәсьәләһе ҡарала. Йорттарға капиталь ремонт үткәреү һәм ихаталарҙы комплекслы ремонтлау буйынса эштәр дауам ителсәк. Өфө мэрияһы мәғлүмәттәренә һылтанма яһап, Салауат Сәғитов, өс йыл эсендә ҡалала 450 йорт һәм 70 ихата төҙөкләндереләсәк, тип хәбәр итте. 2011-2012 йылдарҙа башланған программа тормошҡа ашырыла.

Ҡунаҡханаларға килгәндә, вице-премьер һүҙҙәренсә, улар инвесторҙар средстволары иҫәбенә төҙөләсәк.

Барлыҡ мәғлүмәт ufa2015.ru сайтында урынлаштырыласаҡ (сит ил партнерҙары өсөн - ufa2015.com). «Әлеге ваҡытта был сайт әҙерләү стадияһында, - тип хәбәр итте вице-премьер. – Төрлө мәсьәләләр буйынса халыҡ менән тура бәйләнеш ойошторасаҡбыҙ».

1 из 6

#саммиттар #финанстар #төҙөлөш

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.