Вторник, 12 Мая 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

05:15 (UTC+5), 31 Января 2013

Башҡортостан Президенты «ВИМ-АВИА» башлығы менән «Өфө» аэропортын үҫтереү мәсьәләләрен тикшерҙе

Галина Бахшиева

Шаршамбы, 30 ғинуарҙа, Башҡортостан Президенты Рөстәм Хәмитов «ВИМ-АВИА» компаниялар төркөмө башлығы Рашид Мурсекаев менән һөйләшеүҙәр үткәрҙе, тип хәбәр иттеләр төбәк башлығының матбуғат хеҙмәтенән.

Осрашыуҙа «Өфө» халыҡ-ара аэропортында төп авиакомпания булдырыу мәсьәләләре тикшерелде.

— «Өфө» аэропорты яҡшы үҫешә, - тип һыҙыҡ өҫтөнә алды Рөстәм Хәмитов. – 2012 йылда ул ике миллионға яҡын пассажирҙы хеҙмәтләндергән. Был яҡшы һөҙөмтә. Әлбиттә, төп авиакомпания булһа, һөҙөмтәләр күпкә юғарыраҡ булыр ине.

Яҡын арала халыҡ-ара терминал төҙөй башлау планлаштырыла, сөнки сәғәтенә 200 пассажирҙы хеҙмәтләндергән бөгөнгө терминал заманса талаптарға яуап бирмәй. Буласаҡ терминал сәғәтенә 500 кешене хеҙмәтләндерәсәк, был ҙур сираттарҙан ҡотолорға ярҙам итәсәк.

Шулай уҡ «Өфө» аэропорты биләмәһендә ҙур самолеттар ҡуйыу өсөн перрон төҙөү планлаштырыла.

— Был бик перспективалы эш, - тип белдерҙе Башҡортостан Президенты. – Ул беҙгә илдә алдынғы позициялар биләргә ярҙам итәсәк. Бынан тыш, осоу-ултырыу полосаларын реконструкциялайбыҙ. Быларҙың барыһы ла ҙур аэропорт төҙөү өсөн шарттар булдырасаҡ.

«ВИМ-АВИА» компаниялар төркөмө башлығы Рашид Мурсекаев һөйләүенсә, 2012 йылда Башҡортостан етәкселеге менән һөйләшеүҙәр үткәргәндән һуң, пассажирҙар ташыуҙы артабан үҫтереү, атап әйткәндә, «Өфө» аэропорты аша пассажирҙар ағымын арттырыу мәсьәләләре әүҙем тикшерелә башлаған. Һүҙ, тәү сиратта, төбәк эсендә һәм төбәк-ара пассажирҙар ташыу хаҡында бара.

— Респубиканан хеҙмәттәштәребеҙ менән был мәсьәләне хәл итеү юлдарын асыҡларға тырыштыҡ. «Башкортостан Эйр» авиакомпанияһының устав капиталын арттырыу варианты тикшерелде, бындай алым ярҙамында самолеттар паркын ҙурайтырға булыр ине, - тип хәбәр итте Рашид Мурсекаев.

Бынан тыш, компания пассажирҙар ташыу баҙарының ике секторында ла булһын өсөн, төбәк-ара һәм алыҫ араларға рейстар ойоштороу иҫәбенә маршруттар селтәрен үҫтереү варианттары тикшерелде. Шулай уҡ самолеттар паркын яңыртыу һәм ҙурайтыу планы әҙерләнде.

2012 йыл йомғаҡтары буйынса «ВИМ-АВИА» компаниялар төркөмөнә ингән «Башҡортостан» авиакомпанияһы 494 мең пассажирҙы хеҙмәтләндергән. 2011 йыл менән сағыштырғанда, был 15 процентҡа күберәк.

Рашид Мурсекаев һүҙҙәренсә, самолеттар паркы ҙурайтылмаһа ла, 2012 йылда компанияның керем күләме 54 процентҡа артҡан.

Бынан тыш, былтыр яңы йүнәлеш – геодезия, картография һәм төҙөлөш өсөн аэрофотосъемка һәм аэрофотография һүрәттәрен эшкәртеү буйынса хеҙмәттәр күрһәтеү әүҙем үҫтерелә башланы .

1 из 6

#бр президенты осрашыуҙары #авиация #вим-авиа

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.