Берлинда «Йәшел аҙна» күргәҙмәһе үтәсәк

Галина Бахшиева

2013 йылдың 18-27 ғинуарында Германияның баш ҡалаһында 78-се «Йәшел аҙна-2013» («Green Week», «Grüne Woche») халыҡ-ара күргәҙмә-йәрминкәһе үтә.

Был абруйлы агрофорум Германияла 1926 йылдан башлап йыл һайын үткәрелә. «Йәшел аҙна» ауыл хужалығы ҡаҙаныштарының, аҙыҡ-түлек тауарының һәм баҡсасылыҡтың үҙенсәлекле күргәҙмәһенә әйләнде.

Быйылғы форумда 40 илдән рәсми делегациялар, ауыл хужалығы министрҙары, донъяның алдынғы аграр һәм аҙыҡ-түлек концерны топ-менеджерҙары һәм эксперттары ҡатнашасаҡ.

Күргәҙмә-йәрминкә сиктәрендә 300-ҙән ашыу төрлө симпозиум, семинар, форум үткәреү планлаштырыла.

БР Ауыл хужалығы министрлығының матбуғат хеҙмәтенән хәбәр итеүҙәренсә, «Йәшел аҙна»ла Башҡортостан исеменән «Башспирт» асыҡ акционерҙар йәмғиәте сығыш яһаясаҡ.

Иҫегеҙгә төшөрәбеҙ, бер йыл элек был ҙур сарала 56 илдән 1624 экспонент тәҡдим ителгәйне. Күргәҙмәлә 420 меңдән ашыу кеше ҡатнашты.

Төрлө йылдарҙа агрофорумда әүҙем ҡатнашҡаны өсөн «Йәшел аҙна» халыҡ-ара күргәҙмәһенең иҫтәлекле миҙалдары менән Башҡортостан Хөкүмәте, БР Ауыл хужалығы министрлығы, Башҡортостан умартасылыҡ һәм апитерапия буйынса ғилми-тикшеренеү үҙәге, «Башспирт» асыҡ акционерҙар йәмғиәте, «Бәләбәй һөт комбинаты» асыҡ акционерҙар йәмғиәте, шулай уҡ Башҡорт дәүләт аграр университетының биология, умартасылыҡ һәм һунарсылыҡ кафедраһы бүләкләнде.

#ауыл хужалығы #күргәҙмәләр #йәшел аҙна

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.