Воскресенье, 17 Мая 2026

Уфа

+21 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

11:31 (UTC+5), 07 Ноября 2012

Төбәктә үҫемлектәрҙе һаҡлау сараларын етештереү буйынса тармаҡты үҫтереү планлаштырыла

Галина Бахшиева

Башҡортостанда үҫемлектәрҙе ҡоротҡостарҙан һаҡлау өсөн химик һәм биологик саралар етештереү тармағын үҫтереү планлаштырыла. Бының өсөн кәрәк булған барлыҡ ресурстар, шул иҫәптән етештереү ҡеүәттәре, ғилми эшләнмәләр һәм кадрҙар төбәктә бар, тип билдәләнеләр 7 ноябрҙә Республика йортонда кәңәшмәлә ҡатнашыусылар. Сара төбәктә үҫемлектәрҙе һаҡлау өсөн химик һәм биологик саралар етештереү мәсьәләләренә арналды.

— Үҫемлектәрҙе һаҡлау өсөн махсус саралар ҡулланмай тороп, артабан ауыл хужалығын үҫтереп булмаясаҡ, - тип һыҙыҡ өҫтөнә алды кәңәшмәлә Башҡортостан Президенты Рөстәм Хәмитов.

Бөгөнгө көнгә илдә етештерелгән агрохимикаттарҙың дөйөм күләмендә республика өлөшө «Гербицидтар ғилми-тикшеренеү технологик институты» дәүләт учреждениеһы етештергән продукция иҫәбенә өс процент тәшкил итә.

— Ҡытайҙағы, Швейцариялағы һәм Һиндостандағы беҙҙең конкуренттар бының менән әүҙем файҙалана. Киләсәктә Рәсәйҙең үҫемлектәрҙе һаҡлау саралары импортына бәйле булыуы ла бар. Башҡортостанда агросәнәғәт комплексы предприятиелары ауыл хужалығы культураларын эшкәрткәндә йыл һайын яҡынса 800 миллион һум суммаға мең тоннанан ашыу гербицидтар ҡуллана, - тип хәбәр итте Рөстәм Хәмитов.

БР ауыл хужалығы министры Николай Коваленко һүҙҙәренсә, пестицидтар менән эшкәртелгән баҫыуҙар өлөшө республикала әлеге ваҡытта 39 процент тәшкил итә. Уртаса ил күрһәткестәре менән сағыштырғанда, был яҡынса ике тапҡырға кәмерәк. Шул иҫәптән гербицидтар өлөшө Башҡортостанда 84 процентҡа етә.

Кәңәшмәлә билдәләнеүенсә, төбәктә үҫемлектәрҙе һаҡлау сараларының ҡулланылыуы зона һәм райондар буйлап ныҡ айырыла. Мәҫәлән, үҙәк райондарҙа бындай саралар тулы кимәлендә ҡулланылһа, Урал аръяғы, төньяҡ-көнсығыш райондарында үҫемлектәрҙе һаҡлау химик утауға ғына ҡайтып ҡала. Үҫемлектәрҙе һаҡлау эштәрен тулы кимәлдә үткәреүҙә тотҡарлап торған йәнә бер фактор – ул препараттарҙың ҡиммәт булыуы.

Һөҙөмтәлә республикала йыл һайын 420 мең тоннаға тиклем иген һәм ҡуҙаҡлы иген культуралары орлоҡтары сәселә. Шул уҡ ваҡытта уларҙың 70 проценты ғына эшкәртелә. Тулыһынса эшкәртелгән хәлдә, йәнә 50 тонна химик препарат кәрәк.

Химик утау шулай уҡ 70 процент майҙанда үткәрелә. Тулыһынса эшкәртеү өсөн өҫтәп 190 тонна препарат кәрәк.

«Гербицидтар ғилми-тикшеренеү технологик институты» дәүләт учреждениеһы нигеҙендә гербицидтар етештереүҙе ойоштороу планлаштырыла. Яңы препараттар нәҡ бында эшләнә башларға тейеш. Проект яҡынса 50 миллион һум торасаҡ.

«Гербицидтар ғилми-тикшеренеү технологик институты» дәүләт учреждениеһы директоры Александр Колбин һүҙҙәренсә, йыл һайын бында өс препарат эшләү һәм уларҙы һынау планлаштырыла.

1 из 10

#ауыл хужалығы #үҫемлектәрҙе һаҡлау саралары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.