Башҡортостанда 2013 йылда «500 ферма» программаһында 90-ға яҡын хужалыҡ ҡатнашасаҡ

Галина Бахшиева

2013 йылда «Һөтсөлөк малсылығын үҫтереү һәм һөт етештереүҙе арттырыу. 2012-2016 йылдарҙа Башҡортостан Республикаһында 500 һөтсөлөк-тауар фермаһын комплекслы яңыртыу» республика маҡсатлы программаһында Башҡортостандың 90-ға яҡын фермер хужалығы ҡатнашасаҡ.

Матбуғат конференцияһында БР ауыл хужалығы министры урынбаҫары Фларис Шәйхетдинов хәбәр итеүенсә, 2012 йылда «500 ферма» программаһында ҡатнашыуға 86 ауыл хужалығы предприятиеһы заявка биргән. Уларҙың 60-тан ашыуы һөт-тауар фермаларын төҙөү, реконструкциялау һәм уларға капиталь ремонт үткәреү буйынса әүҙем эшмәкәрлек алып бара. Ағымдағы йыл аҙағынаса республикала 70-кә яҡын бындай объект ремонтланасаҡ.

— Бер ферманы яңыртыуға уртаса 30-40 миллион һум аҡса кәрәк. Шул уҡ ваҡытта яҡынса 10-12 миллион һум аҡсаны, йәғни сығымдарҙың 30-40 процентын ауыл хужалығы етештереүселәре субсидия формаһында аласаҡ, - тип хәбәр итте Фларис Шәйхетдинов.

Уның һүҙҙәренсә, бөгөнгө көнгә республиканың яҡынса 40 хужалығы бындай субсидия алған да инде. Техника, ҡорамалдар, тоҡомло мал һатып алыуға һәм төҙөлөш-монтажлау эштәренә бирелгән түләүҙәрҙең дөйөм күләме хәҙер 150 миллион һумға етә.

Иҫегеҙгә төшөрәбеҙ, быйыл старт алған «500 ферма» республика маҡсатлы программаһына Баҡалы, Бишбүләк, Бүздәк, Дүртөйлө, Илеш, Ҡырмыҫҡалы, Миәкә һәм Стәрлетамаҡ райондары әүҙем ҡушылды.

Республиканың Краснокама, Салауат, Илеш һәм Иглин райондары хакимиәттәре лә программала ҡатнашҡан үҙҙәренең хужалыҡтарына ҙур ярҙам күрһәтә.

БР Ауыл хужалығы министрлығының матбуғат хеҙмәтенән хәбәр итеүҙәренсә, фермаларҙа хеҙмәткәрҙәр өсөн уңайлы шарттар булдырыла. Хужалыҡтарҙа яңы силос-сенаж ҡоролмалары, юлдар төҙөлә, тоҡомло мал, шулай уҡ төрлө техника һәм ҡорамалдар һатып алына.

#ауыл хужалығы #500 ферма программаһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.