Баш ҡалала күп фатирлы йорттарҙың совет рәйестәрен уҡытыу дауам итә

Өфөлә күп фатирлы йорттарҙың совет рәйестәрен уҡытыу дауам итә. «БР Йорт комитеттары союзы» йәмәғәт хәрәкәте белгестәре «Күп фатирлы йортҡа үҙ аллы идара итеүҙең хоҡуҡи, финанс һәм иҡтисади нигеҙҙәре» темаһына алты сәғәтлек лекция ойошторасаҡ. 6 ноябрҙә – Өфө ҡалаһы Ленин районының йорт комитеттары өсөн, 14 ноябрҙә Калинин районының йорт комитеттары өсөн курстар үтә, тип хәбәр иттеләр «БР Йорт комитеттары союзы»ның матбуғат хеҙмәтенән.

Күп фатирлы йорттарҙың совет рәйестәрен уҡытыу буйынса тулыраҡ мәғлүмәт менән 8(347)246-55-55 телефоны буйынса «БР Йорт комитеттары союзы»ның уҡытыу үҙәгендә йәки берләшмәнең рәсми сайтында танышырға була.