Четверг, 16 Апреля 2026

Уфа

+6 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Иҡтисад

07:45 (UTC+5), 30 Октября 2012

Николай Федоров: «Башҡортостанда дөрөҫ аграр сәйәсәт алып барыла»

Рәсүл Хәмиҙуллин

— Башҡортостан ниндәй хәлдә лә ауылға ярҙам итер өсөн көс табасаҡ, - тине республика Президенты Рөстәм Хәмитов РФ ауыл хужалығы министры Николай Федоровҡа 29 октябрҙә Өфөлә үткән 2013-2020 йылдарға Ауыл хужалығын үҫтереү дәүләт программаһын тормошҡа ашырыу сиктәрендә ауыл хужалығы тауарҙары етештереүселәргә дәүләт ярҙамы күрһәтеү мәсьәләләре буйынса республика кәңәшмәһендә. – Беҙҙең халыҡ эшһөйәр, һәләтле. Нисек кенә ауыр булмаһын, тырышасаҡбыҙ, эшләйәсәкбеҙ.

Рөстәм Хәмитов һүҙҙәренсә, Башҡортостан һөт, бал һәм ҡымыҙ етештереү буйынса илдә беренсе урында килә. Шулай уҡ малсылыҡ буйынса ла республикабыҙ тәүге ун төбәк иҫәбенә инә.

— Агросәнәғәт комплексы бөгөн инновацион үҫеш юлына аяҡ баҫа, - тип билдәләне республика Президенты. – Рәсәйҙең Бөтә донъя сауҙа ойошмаһына инеүе ҙур әһәмиәткә эйә. Яңы шарттар барлыҡҡа килеү айҡанлы ауыл хужалығында булған мөмкинлектәрҙе һәм хәүефтәрҙе асыҡланыҡ, башҡа илдәр менән етди конкуренция алып барырға тура киләсәген яҡшы аңлайбыҙ.

РФ ауыл хужалығы министры билдәләүенсә, Башҡортостанда дөрөҫ аграр сәйәсәт алып барыла.

— Республиканың дүрт районын ҡарап сыҡтым һәм аграр секторҙың дөрөҫ йүнәлештә үҫешеүенә инандым, - тине Николай Федоров. – Төбәк башлығы өҫтөнлөклө йүнәлештәрҙе дөрөҫ билдәләй икән, беҙ һәр саҡ ярҙам итергә әҙер.

Шулай уҡ министр һүҙҙәренсә, ауыл ерендә эшләгән йәш белгестәрҙе йыл аҙағынаса торлаҡ менән тәьмин итеүгә Башҡортостан өҫтәмә рәүештә 55 милион һум аҡса аласаҡ.

— Республика был средстволарҙы үҙләштереп өлгөрһә, өҫтәмә средстволар хаҡында уйлаясаҡбыҙ, - тип билдәләне Николай Федоров.

Кәңәшмәлә Башҡортостандың ауыл хужалығы министры Николай Коваленко сарала ҡатнашыусыларҙы республиканың аграр секторында булған төп күрһәткестәр менән таныштырҙы.

1 из 18

#бр президенты #ауыл хужалығы #ултырыш

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.