Баш ҡалала III төбәк-ара экология форумы асылды

Галина Бахшиева | фото: Андрей Старостин

8 октябрҙә Өфөлә III төбәк-ара экология форумы эшләй башланы. Шулай уҡ форум сиктәрендә ХVII «Уралэкология. Сәнәғәт хәүефһеҙлеге–2012» махсус күргәҙмәһен асыу тантанаһы үтте.

8-10 октябрҙә Башҡортостан баш ҡалаһында форумда ҡатнашыусылар ҡалдыҡтар менән идара итеү системаһын үҫтереү, производство объекттарын сәнәғәт хәүефһеҙлеге менән тәьмин итеү һәм башҡа мәсьәләләрҙе тикшерәсәк.

БР тәбиғәттән файҙаланыу һәм экология министры вазифаһын ваҡытлыса башҡарыусы Ольга Лаздина һүҙҙәренсә, Башҡортостан Волга буйы федераль округында атмосфераға бүленгән зарарлы матдәләр күләме буйынса дүртенсе урында тора.

Республикала 200-ҙән ашыу сәнәғәт тармағында эшләгән предприятие һәм ойошмалар урынлашҡан, уларҙың эшмәкәрлеге тирә-яҡ мөхиткә кире йоғонто яһай.

Ольга Лаздина хәбәр итеүенсә, йыл аҙағынаса Башҡортостанда һауаны күҙәтеү буйынса ике күсмә лаборатория булдырыласаҡ, улар онлайн режимда эшләйәсәк.

Шулай уҡ форумда ҡаты көнкүреш һәм сәнәғәт ҡалдыҡтары менән идара итеү мәсьәләһе тикшерелә.

— Республикала булған ҡаты көнкүреш ҡалдыҡтары полигондарына өҫтәмә рәүештә йәнә 31 шундай уҡ объект, шулай уҡ 217 сүп-сар тейәп оҙатыу станцияһын һәм 3 сүп-сар эшкәртеү комплексын төҙөү зарур, - тине Ольга Лаздина.

Йыл һайын тармаҡ предприятиелары эшмәкәрлеге һөҙөмтәһендә Башҡортостанда 11 миллион тонна сәнәғәт ҡалдыҡтары барлыҡҡа килә, уларҙың күләме әлеге ваҡытта бер миллиард тоннан ашыу тәшкил итә.

Төбәктә экологик хәлде яҡшыртыу һәм сәнәғәт ҡалдыҡтары күләмдәрен кәметеү өсөн, БР сәнәғәт һәм инновацион сәйәсәт министры урынбаҫары Игорь Карепанов фекеренсә, тау сәнәғәте комплекстарының йыйылып килгән ҡалдыҡтарын эшкәртеү, тау-байыҡтырыу предприятиеларында заманса технологиялар ҡулланыу, шулай уҡ тейешле маҡсатлы программа ҡабул итеү зарур.

#экология #форумдар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.