Среда, 13 Мая 2026

Уфа

+12 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

10:15 (UTC+5), 25 Сентября 2012

Өфөлә туризм буйынса беренсе төбәк-ара форум асылды

Любовь Колоколова | фото: Любовь Колоколова

Өфөнөң «Нефтсе» мәҙәниәт һарайында шишәмбе, 25 сентябрҙә, «Туризм. Спорт. Ял. Шифаханалар» төбәк-ара форум-күргәҙмәһе асылды. Ул бөтөнләй яңы форматта үткәрелә. Күргәҙмәнән тыш, форумда ҡатнашыусыларҙы эшлекле программа ла көтә.

Сараны ойоштороусы булып Башҡортостандың Туриндустрия союзы ярҙамында төбәктең Эшҡыуарлыҡ һәм туризм буйынса дәүләт комитеты, БР Йәштәр сәйәсәте һәм спорт министрлығы, БР Һаулыҡ һаҡлау министрлығы сығыш яһай.

Форумды асыу тантанаһында БР Эшҡыуарлыҡ һәм туризм буйынса дәүләт комитеты рәйесе Руслан Кинйәкәев, республиканың һаулыҡ һаҡлау министры урынбаҫары Александр Афанасьев, Башҡортостандың Туриндустрия союзы рәйесе Кинйә Кускилдин, форум ҡунаҡтары ҡатнашты.

Руслан Кинйәкәев үҙенең сәләмләү һүҙендә билдәләүенсә, бөгөнгө форумды ул III «Волга буйын асып» төбәк-ара фестиваленең генераль репетицияһы итеп ҡабул итә. Сара 2013 йылда Өфөлә үтәсәк. Был хоҡуҡҡа Башҡортостан Йошкар-Ола ҡалаһында үткән туристик фестивалдә яуланған еңеүҙәре арҡаһында лайыҡ булды.

«БашЭКСПО» күргәҙмә комплексының генераль директоры Евгений Сдобников һүҙҙәренсә, «Туризм. Спорт. Ял. Шифаханалар» форумында 80-дән ашыу экспонент ҡатнаша. Уларҙың стендтары Мәҙәниәт һарайының ике ҡатында урынлаштырылған. Ҡатнашыусылар араһында – Башҡортостан, шулай уҡ Рәсәйҙең Мәскәү, Һамар, Ульяновск, Бөйөк Новгород, Ҡазан, Пермь һәм башҡа ҡалаларының шифаханалары, ҡунаҡханалары һәм туристик үҙәктәре.

Эшлекле программаға көнүҙәк темаларға түңәрәк өҫтәлдәр, семинарҙар индерелгән.

Шуны ла әйтеп үтергә кәрәк, бындай сара йылына ике тапҡыр үткәрелә. Әлегеһе 13-сө тапҡыр һәм форум форматында тәүгә ойошторола. Күргәҙмә 27 сентябргә тиклем дауам итә һәм унда ҡатнашыусыларҙы тәбрикләү тантанаһы менән тамамлана.

1 из 18

#туризм #форумдар #күргәҙмәләр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.