Башҡортостанда «Тамға-2012» төбәк-ара полиграфистар форумы асылды

Әлфиә Шәрәфетдинова

«Тамға-2012» полиграфистар һәм нәшриәтселәр форумында Башҡортостандың бихисап полиграфия предприятиелары ҡатнаша. Төбәк-ара кимәлдәге был слет бөгөн, 13 сентябрҙә, Өфө районында старт алды.

Форум алдынан үткән матбуғат конференцияһында төбәктең элемтә һәм киң коммуникациялар министры урынбаҫары Венера Хәкимова хәбәр итеүенсә, төбәктә булған 229 полиграфия ойошмаларының 50-һе сарала ҡатнашыу өсөн заявка биргән. Форумда шулай уҡ Мәскәү, Санкт-Петербург ҡалалары, Свердловск, Силәбе, Ырымбур өлкәләре, Татарстан, Удмуртия, Сыуашстан һәм башҡа төбәктәрҙән вәкилдәр ҡатнашасаҡ. Ике көн, 13 һәм 14 сентябрь, дауамында улар өлкәнең көнүҙәк мәсьәләләрен тикшерәсәк.

Төбәк-ара полиграфистар ассоциацияһы президенты Борис Кузьмин «Рәсәйҙең Бөтә донъя сауҙа ойошмаһына инеү шарттарында илдәге полиграфия тармағының конкурентлыҡ һәләте. Тармаҡтың корпоратив хәрәкәте бурыстары» темаһына доклад менән сығыш яһаясаҡ. Артабан Төбәк-ара полиграфистар ассоциацияһының беренсе вице-президенты Дмитрий Закиров хәҙерге заман полиграфия бизнесының кадрҙар ресурсы сифатына ҡарата талаптары хаҡында һөйләйәсәк. Көндөң икенсе яртыһында бер нисә семинар үтәсәк.

14 сентябрҙә төбәктең элемтә һәм киң коммуникациялар министры урынбаҫары Венера Хәкимова һәм Башҡортостан Полиграфистар ассоциацияһы президенты Ринат Шәкүров рәйеслегендә «Башҡортостандың полиграфия тармағы – илдәге полиграфия хеҙмәттәре баҙарының өлөшө: дөйөм һыҙаттар һәм үҙенсәлектәр» исемле түңәрәк өҫтәл ойошторола. Бынан һуң иң яҡшы нәшриәт-полиграфия предприятиеһына конкурсҡа йомғаҡ яһаласаҡ. Форум аҙағында унда ҡатнашыусылар йомғаҡлау ултырышына йыйыласаҡ. Унда форум резолюцияһын раҫлау планлаштырыла. Тармаҡ эксперттары тәҡдимдәренә һәм һөнәри берләшмә фекерҙәренә ярашлы ҡарарҙар ҡабул итеү маҡсатында резолюция тексы профилле министрлыҡ һәм ведомстволарға йүнәлтеләсәк.

#форумдар #полиграфия #нәшриәт эшмәкәрлеге

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.