Башҡортостан малсылары тоҡомло мал һатып ала

Ауырғазы районына «500 ферма» республика маҡсатлы программаһы буйынса һыйыр малының беренсе партияһы килтерелде. Шулай итеп, «Урожай» ауыл хужалығы етештереү кооперативына Белоруссиянан – ҡара-ала тоҡомло 100 баш һыйыр, ә Венгриянан голштин тоҡомло 132 баш һыйыр килтерелде. БР Ауыл хужалығы министрлығының матбуғат хеҙмәтенән хәбәр итеүҙәренсә, йыл аҙағынаса хужалыҡ Венгриянан йәнә 60 баш тоҡомло мал һатып алырға планлаштыра.

Йәкшәмбе, 2 сентябрҙә, Башҡортостанға һыйырҙарҙың сираттағы партияһы килтереләсәк. Иглин районының «Агротех» яуаплылығы сикләнгән йәмғиәте 160 баш айшин тоҡомо һыйыр малын көтә.