Башҡортостандың дәүләт власть органдары системаһында яңы структура булдырыласаҡ. Был хаҡта республика Президенты Рөстәм Хәмитов 15 августа үткән БР Хөкүмәте ултырышында хәбәр итте. Уның һүҙҙәренсә, ведомство ҙур булмаясаҡ, ул административ хоҡуҡтарға эйә булған аналитиктар төркөмөнән торасаҡ.
— Был йә Президент, йә Хөкүмәт ҡарамағындағы структура була – бөгөн был бер үк нәмә тиерлек, йәки был Хөкүмәт составындағы структура буласаҡ, ул һалым хеҙмәтенә ярҙам итәсәк, - тип билдәләне Рөстәм Хәмитов.