Республиканың Иҡтисади үҫеш министрлығы иң яҡшы бизнес-идея эҙләй

Арина Рәхимҡолова

БР Иҡтисади үҫеш министрлығы «Башҡортостан Республикаһының иң яҡшы бизнес-идеяһы» конкурсын үткәреү хаҡында иғлан итә.

Перспективалы инновацион бизнес-идеяларҙы асыҡлау һәм уларҙы артабан тормошҡа ашырыу сараның төп маҡсаты булып тора, тип билдәләне республиканың иҡтисади үҫеш министры урынбаҫары Александр Марьин. Идеяның яңы, үҙенсәлекле, ҡыҙыҡлы, ҡануниәткә ҡаршы килмәгән булыуы шарт.

Ведомствоның матбуғат хеҙмәтенән хәбәр итеүҙәренсә, конкурста юридик шәхестәр, йәғни ғәмәлдәге ҡануниәткә ярашлы Башҡортостан Республикаһында һалым органдарында теркәлгән ойошмалар ғына ҡатнаша ала. Шулай уҡ тәҡдим ителгән проекттар төбәктәге экологик хәлгә кире йоғонто яһарға тейеш түгел.

Конкурс нигеҙендә һайлап алыуҙың беренсе этабын үткәндәргә эксперттар советы баһа бирәсәк. Улар араһынан бәйгенең һуңғы этабында еңеүселәр билдәләнәсәк. Иң яҡшы эштәр авторҙарына ойоштороусылар иҫәбенә бизнес-план төҙөүҙә ярҙам күрһәтеләсәк.

Заявкалар 31 авгусҡа тиклем ҡабул ителә. Кәрәкле документтар исемлеге һәм ҡатнашыусы бланкыһы БР Иҡтисади үҫеш министрлығы сайтының «Конкурстар» бүлегендә урынлаштырылған.

Тулыраҡ мәғлүмәт алыу өсөн Өфө ҡалаһы, Туҡаев урамы, 46, 261-се бүлмә адресы йәки (347) 250-41-82 телефоны буйынса мөрәжәғәт итергә мөмкин.

#конкурстар #иҡтисади үҫеш министрлығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.