Башҡортостан инновациялар өлкәһендәге норматив базаның сифаты өсөн юғары баһа алды

Галина Бахшиева

Рәсәйҙең Инновацион төбәктәр ассоциацияһы (АИРР) махсус әҙерләнгән методика буйынса Ассоциацияға ингән барлыҡ субъекттарҙың норматив базаһын баһалаған.

Күләмле анализда төбәктәге инновацион эшмәкәрлекте, инновацион үҫеш стратегияһын, маҡсатлы программаларҙы регламентлаусы төп закондар эстәлегенең нисек баһаланыуы күрһәтелгән. Төбәктә идара итеү системаһы, инновацион эшмәкәрлек алып барған субъекттар өсөн һалым ташламалары тикшерелгән.

Шулай итеп, Рәсәй Федерацияһының 12 субъекты ҡатнашҡан тикшереү һөҙөмтәләре буйынса, илдең ни бары өс төбәге – Калуга, Новосибирск һәм Башҡортостан Республикаһы инновациялар өлкәһендәге норматив базаның сифаты өсөн юғары баһа алған.

«Башинформ» агентлығына Башҡортостандың Кластерлы үҫтереү үҙәгенән хәбәр итеүҙәренсә, инновацион эшмәкәрлек өлкәһендәге норматив базаның сифатына ҡуйылған дөйөм баһаға бер юлы республикаға бирелгән бер нисә ыңғай характеристика, атап әйткәндә, төбәктә инновацион сәйәсәт алып барыу мәсьәләләре менән шөғөлләнеүсе махсус органдың, шулай уҡ власть, бизнес һәм фән вәкилдәрен үҙ эсенә алған РФ субъекты башлығы ҡарамағындағы кәңәшмә органы булыуы йоғонто яһаған.

Быларға төбәктә инновацион сәйәсәтте тормошҡа ашырыуҙы регламентлаусы төп закондың характеристикаһы, инновацион сараларҙы финанслау сығанаҡтары, маҡсатлы инновацион программаның характеристикаһы, шулай уҡ инновацион сараларҙы үтәү тәртибенең һәм ваҡытының аныҡ билдәләнеүе лә инә.

Яҡын арала айырым төбәктәр буйынса материалдарҙы Ассоциацияның сайтынан ҡарарға мөмкин буласаҡ.

#инновацион эшмәкәрлек

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.