«Forbes» версияһы буйынса Өфө бизнес менән шөғөлләнеү өсөн иң уңайлы ҡалалар рейтингында икенсе урында тора

«Forbes» журналы бизнес алып барыу өсөн Рәсәйҙең иң яҡшы 30 ҡалаһы рейтингын баҫтырып сығарҙы. Эшҡыуарлыҡ менән шөғөлләнеү өсөн иң яҡшы ҡалалар рейтингын «Forbes» дүртенсе тапҡыр төҙөй. Быйыл унда тәүге тапҡыр Мәскәү менән Санкт-Петербург иҫәпкә алынған — улар 30 ҡаланан торған исемлектең иң аҙағында килә. Мәскәү - 27-се, Петербург 29-сы урын биләй. Рейтинг төҙөгәндә беренсе тапҡыр уҡыусылар менән үткәрелгән һорау алыу һөҙөмтәләре лә иҫәпкә алынған. Иң бәләкәй административ баҫымлы, һалым чиновниктары бизнесҡа толерантлыҡ һаҡлаған, финанс ярҙам алыу мөмкинлеге булған ҡалалар алдынғылар рәтенә күтәрелгән

Исемлек Сочи ҡалаһы менән башлана. Өфө менән Силәбе икенсе һәм өсөнсө урын алған.

Беренсе тиҫтәгә йәнә Төмән, Түбәнге Новгород, Екатеринбург, Махачкала, Ҡазан, Улан-Удэ һәм Краснодар ингән. 30 ҡаланан торған исемлек Дондағы Ростов менән тамамлана.