Өфөлә ҡатын-ҡыҙҙар өсөн вакансиялар йәрминкәһе үткәрелә

24 майҙа Өфөлә тағы бер «ҡатын-ҡыҙҙар» вакансиялары йәрминкәһе үткәрелә. Был юлы унда күмәртәләп һәм ваҡлап сауҙа итеүсе, йәмәғәт туҡланыу предприятиелары, шулай уҡ ҡунаҡханалар һәм ресторандар ҡатнашасаҡ.

Гүзәл заттар өсөн «вакантлы» йәрминкәнең ойоштороусыһы - Өфөнөң Халыҡты эш менән тәьмин итеү үҙәге.

— Әлеге ваҡытта 20-ләгән эш биреүсе үҙенең ҡатнашыуы тураһында белдерҙе. Тәҡдим ителәсәк вакансиялар араһында технолог, сауҙа вәкилдәре, икмәк бешереүселәр, кондитер, повар, официанттар, һатыусылар бар. Эш менән тәьмин итеүселәр ҡатын-ҡыҙҙарға ваҡытлыса эш урындары ла, даими нигеҙҙәге эш урындары ла тәҡдим итәсәк, — тине «Башинформ» агентлығына Өфө мәшғүллек хеҙмәтенең предприятиелар менән бәйләнештәр бүлеге начальнигы Ирина Турчина.

Йәрминкә сәғәт 10-да башлана.

Үткәреү урыны – Өфө, Ибраһимов бульвары, 47/1.

Хәтерегеҙгә төшөрәйек, ниндәй иҡтисади эшмәкәрлек алып барыуына ҡарамаҫтан, кадрҙарға ҡытлыҡ кисергән бөтә эш биреүселәр ҙә профилле вакансиялар йәрминкәһендә ҡатнашыуға хоҡуҡлы.

Бөтә хеҙмәттәр ҙә бушлай күрһәтелә.