Ямал-Ненец округы губернаторы: «Еңел углеводородтарҙың киң фракцияһын транспортлау проектының киләсәге бар»

Ғәлиә Нәбиева

— Был проекттың киләсәге бар, һәм минең быға бер шигем дә юҡ, — тине кисә II «Ҙур химия — 2012» халыҡ-ара форумында Ямал-Ненец автономиялы округы губернаторы Дмитрий Кобылкин, «Ямал-Волга буйы» маршруты буйынса еңел углеводородтарҙың киң фракцияһын транспортлау ниәттәре тураһындағы протоколға аңлатма биреп.

Губернатор һүҙҙәренсә, бөгөнгә көндә Ямал-Ненец автономиялы округындағы газ запастарының 11 проценты ғына сығарылған. Был 60 йыл эсендә.

— Запастар ғәйәт ҙур, Арктикаға төпкәрәк инә барған һайын, сеймал да күберәк, — тип билдәләне Дмитрий Кобылкин. — Газды яҡҡы килмәй, сөнки аҡсаны яғабыҙ бит.

Еңел углеводородтарҙың киң фракцияһы (ШФЛУ) – округ етештерә алған иң яҡшы продукттарҙың береһе, тип иҫәпләй Дмитрий Кобылкин. Был йәһәттән иҡтисадты күп яҡлап үҫтереү мөһим. Бер Ямал сиктәрендә генә түгел, дөйөм алғанда бөтә Рәсәй өсөн мөһим был.

— Еңел углеводородтарҙың киң фракцияһын ҡыуҙырыу проектын тормошҡа ашырыу бик күп позитив алып киләсәк, тип ышанам, — тине Ямал губернаторы. — Башҡортостан бәхетле - республика башлығы был проектты тормошҡа ашырыу өсөн ныҡ тырыша.

Ғәмәлгә ашырыу сроктары тураһында һөйләгәндә, Дмитрий Кобылкин, бөгөн Ямалда тормошҡа ашырылған проекттарҙың күбеһе фантастика иҫәпләнә ине, әле тәбиғи хәл кеүек ҡабул ителә, тип билдәләне.

— Беҙ Татарстан, Башҡортостан һәм Ямал-Ненец автономиялы округының нефть һәм газ компанияһы вәкилдәренән торған эш төркөмө ойошторҙоҡ, — тип хәбәр итте журналистарға ЯНАО губернаторы. — Беҙ проектты идея булараҡ нефть һәм газ химияһы компанияларына тәҡдим итәбеҙ, әгәр унда бизнес була икән, ә бөгөн күптәр был проектта бизнесты күрә, ул саҡта проект мотлаҡ тормошҡа ашырыласаҡ.

1 из 2

#ҙур химия #янао #шфлу

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.