Среда, 15 Апреля 2026

Уфа

+8 °С

Главное Иҡтисад Йәмғиәт Лонгрид Мәҙәниәт Сәйәсәт Спорт Хәл-ваҡиғалар

|Последние новости

Главная/Иҡтисад

10:02 (UTC+5), 18 Мая 2012

Рөстәм Хәмитов Әрмәнстандың Рәсәйҙәге илсеһе Олег Есаян менән осрашты

Сергей Захаров | фото: Андрей Старостин

18 майҙа Башҡортостан Президенты Рөстәм Хәмитов Өфөгә «Ҙур химия» халыҡ-ара форумына килгән Әрмәнстандың Рәсәйҙәге Ғәҙәттән тыш һәм Тулы хоҡуҡлы илсеһе Олег Есаян менән осрашты, тип хәбәр иттеләр республика башлығының матбуғат хеҙмәтендә.

— Беҙҙең форумда ошондай олпат делегацияның ҡатнашыуы эшлекле мөнәсәбәттәр булдырыу күҙлегенән ҡарағанда беҙҙең өсөн ныҡ мөһим һәм һәйбәт. Үҙебеҙ өсөн һәм һеҙҙең бизнес менән артабан хеҙмәттәшлек итеү өсөн кәрәкле нәмәләр ала алғанбыҙҙыр, тип ышанам. Был хеҙмәттәшлектән эшлекле, ысын бизнес мөнәсәбәттәре үҫеп сығыр, тип уйлайым. Һәм был, әлбиттә, бик яҡшы, — тип билдәләне Рөстәм Хәмитов.

— Башҡортостан территорияһында йәшәгән диаспораларға ярҙам итеү сәйәсәтен дауам итеүебеҙҙе тағы бер раҫлағым килә. Беҙҙең өсөн был үтә мөһим. Рәсәй әрмәндәре союзының төбәк бүлексәһе эшмәкәрлеген ойоштороуҙа ярҙам итеү. Белем биреү программаһын киңәйтеүҙә һәм уны арттырыуҙа ярҙам итеү. Был эштәрҙән беҙ ҡәнәғәтләнеү алабыҙ. Сөнки беҙҙә, Башҡортостанда, йәшәгән кешеләрҙең үҙҙәренең мәҙәни традицияларын үҫтерә барыуын аңлайбыҙ, һәм был беҙҙең өсөн ныҡ мөһим, — тип һыҙыҡ өҫтөнә алды Президент.

Рөстәм Хәмитов Әрмәнстанға визит яһарға әҙер булыуын да билдәләне.

— Юғары кимәлдә ошондай осрашыу мөмкинлеге булыуы асыҡланһа, барабыҙ, — тине Рөстәм Хәмитов.

Олег Есаян Башҡортостан Президентына «Ҙур химия»ла ҡатнашырға саҡырыуы өсөн рәхмәт белдерҙе.

— Ҙур теләк менән беренсе тапҡыр Рәсәй Федерацияһы субъектына илсе визиты форматында түгел, ә Әрмәнстан делегацияһы булараҡ килдек, — тине дипломат. — Тәьҫораттарыбыҙ иҫ киткес шәп. Һеҙҙең республика үҙ иңенә ошондай күләмдәге һәм ошондай йүнәлештәге халыҡ-ара конференцияһын ойоштороу өсөн ҙур яуаплылыҡ алған. Минең дә унда үҙ фекеремде белдерергә мөмкинлегем булды. Элекке Советтар Союзы республикалары киңлегендә дәүләттең баш ҡалаһынан ситтә халыҡ-ара форум үткәрелеүе — беренсе тапҡыр. Ә илде химик-технологик йәһәттән үҫтереү йүнәлеше буйынса был — бөтөнләй уникаль күренеш, — тип билдәләне Олег Есаян.

Белешмә өсөн. 2011 йыл йомғаҡтары буйынса Әрмәнстан Республикаһы менән тышҡы сауҙа әйләнеше 4,2 млн АҠШ долларын тәшкил иткән. Башҡортостандың дөйөм тауар әйләнеше күләмендә Әрмәнстан — 53-сө урында, БДБ илдәре менән бергә 10-сы урында тора. 2011 йылда Башҡортостан Әрмәнстанды сәнәғәт ҡорамалдары (63%), дизель яғыулығы һәм машина майы (27%), натрий бикарбонаты (4%), быяла ампулалар (3%), мебель, резина торба һәм шлангалар, эсемлектәр өсөн быяла шешәләр, көҙгө һәм ҡара металдан фитингылар менән тәьмин иткән. Башҡортостанға Әрмәнстандан төҙөлөш материалдары (53%), минераль һыу (43%) ҡайтарылған.

1 из 18

#бр президенты осрашыуҙары

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.