«Ҙур химия» форумы магистраль үткәргес төҙөүгә бәйле мәсьәләләрҙе хәл итергә ярҙам итәсәк

Рәсүл Хәмиҙуллин

Өфөләге «Ҙур химия» халыҡ-ара форумы власть һәм бизнесҡа конструктив диалог алып барырға, шулай уҡ нефть химияһы тармағын үҫтереү кеүек көнүҙәк мәсьәләләр буйынса уртаҡ фекергә килергә мөмкинлек бирә. Был турала Татарстан Президенты Рөстәм Миңнеханов белдерҙе.

— Татарстан менән Башҡортостандың еңел углеводородтарҙың киң фракцияһын транспортлау өсөн «Көнбайыш Себер — Урал — Волга буйы» магистраль үткәргесен төҙөү буйынса берлектәге проекты Ямал-Ненец автономиялы округы губернаторы Дмитрий Кобылкинда яҡлау тапты, — тип хәбәр итте Рөстәм Миңнеханов. — Бөгөнгө көндә углеводород сеймалы сығарған төбәктәр һәм уны эшкәртеүсе төбәктәр араһында ҙур географик айырма бар. Бөгөн Татарстан, Башҡортостан һәм Ямал-Ненец автономиялы округы араһында был йүнәлештәге эштәребеҙҙе билдәләүсе документҡа ҡул ҡуйылды. Өс төбәктең бөтә көсөн бергә туплау Ямал-Ненец автономиялы округы ятҡылыҡтарындағы эйәрсән газды һөҙөмтәле файҙаланыуҙы тәьмин итергә мөмкинлек бирәсәк. Был проектҡа Төмән өлкәһе лә ҡушылырға әҙерҙер, тип уйлайым.

Татарстан Президенты әйтеүенсә, ошоноң арҡаһында Волга буйы нефть химияһы комплекстарының ҡеүәттәрен сеймал менән тулыһынса тәьмин итергә мөмкин буласаҡ.

Ямал-Ненец автономиялы округы губернаторы Дмитрий Кобылкин һүҙҙәренсә, транспорт инфраструктураһын булдырыу талап ителә.

— Сеймалды һәм әҙер продукцияны транспортлау өсөн тимер юл селтәрҙәренең үткәреү һәләтен дә арттырырға кәрәк, — тип билдәләне губернатор. — Был форумды үткәреү ошо мәсьәләләрҙе хәл итеүҙә айырыуса көнүҙәк. Беҙ үткәргес торба төҙөлөшө буйынса үҙ-ара килешеп эш итеү мөмкинлектәрен билдәләргә ниәтләйбеҙ.

#ҙур химия #нефть #газ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.