Хәтерегеҙгә төшөрәйек, ҡоро осор быйыл июль аҙағы — август башына тура килергә тейеш, тип күҙаллана. Эрнст Исаев, аграрийҙар «ҡоролоҡ» һүҙен яратмай, тип билдәләне.
— Ауыл хужалығы министры булараҡ мин был һүҙҙе ҡабул итмәйем. 2010 йылғы ҡоролоҡ бик күп михнәттәр алып килде. Был иң элек төбәктәге аҙыҡ-түлек продукттарының хаҡында сағылды, — тине аграр ведомство башлығы. — Тап әлеге ваҡытта аграрийҙар уңышҡа нигеҙ һала.
Эрнст Исаев республиканың яҙғы баҫыу эштәренә яҡшы әҙерләнеүен билдәләне.