Башҡортостандың Эшҡыуар ҡатын-ҡыҙҙар ассоциацияһы 20 йыллығын билдәләйәсәк

Любовь Колоколова

Башҡортостандың Эшҡыуар ҡатын-ҡыҙҙар ассоциацияһы үҙенең 20 йыллығын билдәләйәсәк. Тантаналы сара 19 апрелдә Ағиҙел йылғаһы буйында урынлашҡан «Юность» шифахана-һауыҡтырыу комплексында үтәсәк. Байрамға власть органдары, республиканың йәмәғәт эшҡыуарлыҡ ойошмалары вәкилдәре, Ассоциация ағзалары, ветерандар саҡырылған. Башҡортостандың Эшҡыуар ҡатын-ҡыҙҙар ассоциацияһы рәйесе Алла Кузьмина хәбәр итеүенсә, программала активистарҙы наградлау, «20 йыл бергә» китабының презентацияһы, артистарҙың сығышы һәм башҡа саралар ҡаралған.

БР Эшҡыуар ҡатын-ҡыҙҙар ассоциацияһы 1992 йылдың 17 февралендә булдырылған. Ул эшҡыуар ҡатын-ҡыҙҙарҙың эшмәкәрлеген берләштереү, уларға ярҙам итеү маҡсатында ойошторолған. Бөгөнгө көндә ойошмала иҡтисадтың төрлө тармаҡтарында шөғөлләнгән меңдән ашыу ҡатын-ҡыҙ иҫәпләнә.

Һуңғы йылдар эсендә Ассоциация ҙур ҡаҙаныштарға өлгәште. Эш түбәндәге йүнәлештәр буйынса алып барылды: бәләкәй эшҡыуарлыҡҡа ҡағылышлы закон проекттарын булдырыу һәм тикшереүҙә ҡатнашыу; мәғлүмәт, консультация һәм белем биреү эшмәкәрлеген, шулай уҡ хәйриә эшмәкәрлеген ойоштороу. «Ҡатын-ҡыҙ – йыл директоры» бөтә Рәсәй конкурсында Башҡортостандан эшҡыуар ҡатын-ҡыҙҙарҙың ҡатнашыуы мөһим проекттарҙың береһе булып тора. Был бәйгене үткәреү йылдарында республиканан йөҙгә яҡын ҡатын-ҡыҙ лауреат исеме алды.

Шуны ла билдәләп үтергә кәрәк, Ассоциацияның беренсе рәйесе Елена Мәхмүтова әле – Рәсәй Эшҡыуар ҡатын-ҡыҙҙар ассоциацияһының вице-президенты. Ә ойошманың әлеге рәйесе Алла Кузьмина Башҡортостандың Йәмәғәт палатаһы составына инде. Эшҡыуарлыҡ өлкәһендә шөғөлләнеүсе башҡа хеҙмәткәрҙәрҙең дә ҡаҙаныштары байтаҡ. Был хаҡта ҡунаҡтар байрам сараһында беләсәк. Башлана – 16 сәғәттә.

#ҡатын-ҡыҙҙар эшҡыуарлығы #юбилейҙар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.