Бахрейн делегацияһы Башҡортостан иҡтисады менән танышты

Әлфиә Шәрәфетдинова

Башҡортостанға Бахрейн эшҡыуарҙары килде. Республикаға Фарсы ҡултығы һәм Яҡын Көнсығыш илдәрендә нефть һәм газ, финанс, инвестиция, энергетика, телекоммуникациялар, социаль, консалтинг, страховкалау проекттарын тормошҡа ашырыуҙа ҡатнашҡан «Рияда» компанияһы вәкилдәренең визиты БР Иҡтисади үҫеш министрлығы инициативаһы менән ойошторолған.

Осрашыу барышында ике яҡ өсөн дә отошло хеҙмәттәшлек мөмкинлектәре тикшерелде.

— Башҡортостан Республикаһында, Фарсы ҡултығы һәм Яҡын Көнсығыш илдәре территорияһында етештерелеүсе продукция һәм хеҙмәттәрҙе алға һөрөү мөмкинлектәре, сит ил проекттары һәм экспорт менән ҡыҙыҡһынған Башҡортостан предприятиелары һәм ойошмаларының «Рияда» төркөмө менән хеҙмәттәшлек итеү мөмкинлеге ҡаралды. Торлаҡ-коммуналь хужалыҡ, альтернативалы энергетика һәм башҡа өлкәләр буйынса сит ил инвестицияларын йәлеп итергә мөмкин булған республика инвестиция программалары тураһында һөйләшеү булды, — тип аңлатма бирҙе БР иҡтисади үҫеш министры урынбаҫары Александр Марьин.

Визит сиктәрендә компания вәкилдәренең Өфө дәүләт авиация техник университеты менән осрашыуы үтте. Унда металл эшкәртеү технологиялары өлкәһендә хеҙмәттәшлек итеү варианттары тураһында һүҙ алып барылды.

Икенсе тапҡыр делегация Башҡортостанға бер айҙан һүң киләсәк. Улар 17-18 майҙа Өфөлә үтәсәк II «Ҙур химия» халыҡ-ара форумында ҡатнашырға иҫәп тота.

#визиттар #тышҡы иҡтисади бәйләнештәр

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.