Урал аръяғында умартасылыҡты үҫтереү буйынса семинарҙар үтте

Башҡортостан Умартасылыҡ һәм апитерапия буйынса ғилми-тикшеренеү үҙәге Урал аръяғында — Бөрйән, Учалы, Әбйәлил һәм Ейәнсура райондарында умартасылыҡты үҫтереү мәсьәләләре буйынса семинар-кәңәшмә үткәрҙе. Унда ҡортсолар, ветеринар хеҙмәт, урман хужалығы хеҙмәткәрҙәре, муниципаль район хакимиәте вәкилдәре, сауҙа предприятиелары етәкселәре һәм мәктәп директорҙары тармаҡтың проблемалы мәсьәләләрен тикшерҙе.

Башҡортостан Умартасылыҡ һәм апитерапия буйынса ғилми-тикшеренеү үҙәге ғалимдары тармаҡты үҫтереүҙең перспективалы пландары, һәр районда бал ҡорттарын аҫрау технологияларының үҙенсәлектәре тураһында һөйләне, тип хәбәр иттеләр БР Ауыл хужалығы министрлығының матбуғат хеҙмәтенән. Белгестәр бал ҡорттары ауырыуҙарын иҫкәртеү һәм дауалау, умарталыҡта яҙғы эштәрҙе үткәреү буйынса кәңәштәр биргән.

Семинарҙа башҡорт тоҡомло бал ҡорттарын үрсетеү буйынса тоҡомсолоҡ репродукторы ойоштороласаҡ хужалыҡтар билдәләнгән. Улар төбәктәге умарталыҡтарҙы күстәр һәм инә ҡорттар менән тәьмин итәсәк. Йәнә һәр райондың мәктәптәрендә умартасылыҡ буйынса уҡытыуҙы ойоштороу мәсьәләһе ҡаралған.

Аҙна аҙағына тиклем ошондай уҡ семинарҙар Баймаҡ, Хәйбулла, Йылайыр райондарында ла үткәреләсәк.

Автор:Ғәлиә Нәбиева

Теги:умартасылыҡ урал аръяғы

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».