Башҡортостан транспортта хәүефһеҙлек мәсьәләләренә арналған халыҡ-ара форумда ҡатнаша

Әлфиә Шәрәфетдинова

«Транспортта хәүефһеҙлек» II халыҡ-ара форумында тармаҡтың төп эксперттары халыҡ-ара хәүефһеҙ транспорт мөхитен булдырыуға бәйле саралар комплексын тикшерәсәк. Форум 2012 йылдың 19-21 апрелендә Санкт-Петербургта үткәрелә, тип хәбәр итә БР Транспорт һәм юл хужалығы буйынса дәүләт комитеты.

Унда федераль һәм төбәк власы органдары вәкилдәре, диңгеҙ порттарының, аэропорттарҙың, тимер юл вокзалдары һәм транспорт компанияларының топ-менеджменты, транспорт хәүефһеҙлеге ҡорамалдары һәм системаларын уйлап табыусылар һәм етештереүселәр, консалтинг структуралар, банктар, страховкалау компаниялары вәкилдәре, шулай уҡ профилле фәнни-тикшеренеү, проекттар төҙөү һәм йәмәғәт ойошмалары белгестәре ҡатнашасаҡ.

Сит ил коммерция структуралары, илселек, консуллыҡ вәкилдәре лә көтөлә.

Форумдың эшлекле программаһы сиктәрендә Рәсәйҙең халыҡ-ара транспорт системаһына ҡушылыу, транспортта халыҡтың хәүефһеҙлеген комплекслы тәьмин итеү программаһын тормошҡа ашырыу, интеллектуаль системаларҙы ҡулланылышҡа индереү (шул иҫәптән ГЛОНАСС базаһында), террористик хәүефтәргә ҡаршы тороу, юғары квалификациялы персонал әҙерләү мәсьәләләре тикшереләсәк.

Быйыл эш программаһына күргәҙмә лә индерелгән, унда индустрияның һуңғы ҡаҙаныштары күрһәтеләсәк. Экспоненттар комплекслы хәүефһеҙлек системаларын, техник һаҡлау средстволарын, интеллектуаль элемтә һәм контроль системаларын, янғындан һаҡлау тауарҙары һәм авария-ҡотҡарыу техникаһын, хәүефле йөктәрҙе ташыу технологияларын, шулай уҡ контртеррористик саралар, сертификация һәм хәүефһеҙлекте тикшереү, хеҙмәт һәм сәләмәтлек һаҡлау, белем биреү һәм белгестәрҙе ҡайтанан әҙерләү өлкәһендәге алдынғы эшләнмәләрен тәҡдим итәсәк.

РФ субъекттарының экспозициялары ватан һәм сит ил инвесторҙарын төбәктәрҙең ҡеүәттәре менән таныштырырға мөмкинлек бирәсәк.

— Форумдың резолюцияһы хәүефһеҙлек аспектында транспорт тармағын дәүләт көйләүе һәм был өлкәгә бәйле закондарҙы камиллаштырыу өсөн РФ Дәүләт Думаһының профилле комитеттарына, министрлыҡ һәм ведомстволарға ебәреләсәк, — тип хәбәр ителә БР Транспорт һәм юл хужалығы буйынса дәүләт комитеты сайтында.

#транспорт #форумдар #күргәҙмәләр #хәүефһеҙлек

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.