Аграрийҙар 15 мең тоннанан ашыу ашлама туплаған

Ғәлиә Нәбиева

Яҙғы сәсеү кампанияһында Башҡортостан аграрийҙары сәсеүлектәргә тәьҫирле матдәлә 46,2 мең тонна минераль ашлама индерергә тейеш. Республика агрономия конференцияһында БР ауыл хужалығы министрының беренсе урынбаҫары Николай Коваленко шундай мәғлүмәт бирҙе.

Бөгөнгө көндә төбәктәге ауыл хужалығы предприятиелары 15 мең тоннанан ашыу ашлама туплаған. Был талап ителгәндең яҡынса 30 проценты.

— Яҙғы баҫыу эштәрен үткәреүгә тағы 35 мең тонна минераль ашлама ҡайтарырға кәрәк, — тигән бурыс ҡуйҙы Николай Коваленко. — Төбәк келәттәрен һәм вагондар менән ташыу мөмкинлеген файҙаланырға кәрәк.

Хәтерегеҙгә төшөрәйек, республиканың Ауыл хужалығы министрлығы менән «Газпром нефтехим Салауат» асыҡ акционерҙар йәмғиәте араһында 16 мартта ҡул ҡуйылған хеҙмәттәшлек итеү тураһындағы меморандумға ярашлы, Башҡортостандың төпкөл зоналарында урынлашҡан келәт комплекстарына ашламалар ташыласаҡ. Атап әйткәндә, Туймазыға – 405 тонна, Бүздәккә – 274, Өршәк станцияһына – 350, Борайға – 70 һәм Мәсәғүткә — 90 тонна. Баймаҡтағы келәткә лә ашламалар ҡайтарыла. Унда йәмғеһе 1190 тонна минераль ашлама килтерелгән.

БР Ауыл хужалығы министрлығының матбуғат хеҙмәтендә хәбәр итеүҙәренсә, ашламаға хаҡтар Рәсәй Ашлама етештереүселәр ассоциацияһы менән билдәләнгән кимәлдә һаҡлана. Республиканың ауыл хужалығы етештереүселәре өсөн икенсе йыл инде карбамидҡа махсус хаҡ ҡуйыла, ул Рәсәй буйынса уртаса хаҡтан 18 процентҡа түбәнерәк.

— Минераль ашламалар һатып алыу буйынса бөтә резервтарҙы ла эшкә ҡушырға кәрәк. Минераль ашлама индермәй тороп, тупраҡтың тәбиғи уңдырышлылығы нигеҙендә генә беҙгә кәрәкле күләмдә иген, шәкәр сөгөлдөрө һәм башҡа продукция ала алмаясаҡбыҙ, — тип иҫәпләй Николай Коваленко.

#ауыл хужалығы #минераль ашламалар #сәсеү кампанияһы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.