69.81
+0.26
81.03
+0.33
83.74
-0.84
1+ °C
Болотло
Бөтә яңылыҡтар
Иҡтисад
29 Март 2012, 13:42

Башҡортостан аграрийҙары сәсеү кампанияһына 14 мең трактор әҙерләне

Яҙғы баҫыу эштәрендә Башҡортостанда 14 меңгә яҡын трактор файҙаланыласаҡ. Был - республикалағы трактор паркының 80 проценты.
10400-ҙән ашыу трактор агрегаты баҫыуҙарҙы сәсеүгә әҙерләүгә сығасаҡ, тип хәбәр иттеләр аграр ведомствоның матбуғат хеҙмәтендә. Тағы 4680 агрегат сәсеүгә төшәсәк.
БР Ауыл хужалығы министрлығында әйтеүҙәренсә, техниканы рациональ файҙаланғанда иген сәсеүҙе – 12-14 көндә, аралыҡлы культураларҙы 8-9 көндә тамамларға мөмкин.
Дүрт республика МТС-ы составында сәсеүҙә 156 сәсеү комплексы һәм 19 агрегат ҡатнашасаҡ. МТС көстәре менән 267 мең гектарҙы сәсеү планлаштырыла. Яҙғы сәсеү өсөн машина-технологик станцияларҙың үҙҙәренең 189 мең гектарҙан ашыу сәсеүлеге бар.
10 апрелгә тиклем ауыл хужалығы техникаһы эшкә тулыһынса әҙерләнеп бөтәсәк һәм дәүләт техник тикшереүе үтәсәк.
Автор:Ғәлиә Нәбиева