Республиканың көньяҡ-көнсығыш райондарында тәбиғәтте һаҡлау сараларын үткәреүгә яҡынса 300 миллион һум тотоноласаҡ

Сергей Захаров

Башҡортостандың тәбиғәттән файҙаланыу һәм экология министры Азат Ҡотләхмәтов республиканың көньяҡ-көнсығыш райондары һыу объекттарын тау сеймалын табыу өлкәһендәге предприятиеларҙың бысраҡ шахта һыуҙарынан һаҡлау мәсьәләләре буйынса күсмә кәңәшмә үткәрҙе.

Республика Хөкүмәте Аппараты, фәнни учреждениелар һәм тау сеймалын табыу өлкәһендәге предприятиелар вәкилдәренең осрашыуы Учалы тау-байыҡтырыу комбинатында үтте, тип хәбәр иттеләр ведомствоның матбуғат хеҙмәтенән.

Кәңәшмәлә ҡатнашыусылар сәнәғәт һыуҙарын таҙартыу өлкәһендәге мәсьәләләрҙе ҡараны, был өлкәлә республикалағы алдынғы техник вуздарҙың һәм ғалимдарҙың эшләнмәләрен, шулай уҡ уларҙы ғәмәлдә ҡулланыу мөмкинлектәрен тикшерҙе.

Урал аръяғында ғәҙәттә предприятиелар юғары минералле һыуҙарын бәләкәй йылғаларға ағыҙа, тип билдәләнеләр кәңәшмәлә. Был йылғалар гидрологик үҙенсәлектәре буйынса бысранған һыу объекттары исемлегенә инә.

Шулай уҡ Урал аръяғындағы руда табыу предприятиеларының тирә-яҡ мөхит торошон яҡшыртыу буйынса ҙур эштәр башҡарыуы билдәләнде.

2015 йылға тиклем Урал аръяғын иҡтисади йәһәттән үҫтереү буйынса урта сроклы комплекслы программаны тормошҡа ашырыу сиктәрендә предприятиелар тарафынан 282 миллион һумдан ашыу суммаға тәбиғәтте һаҡлау эштәрен башҡарыу планлаштырыла.

Планда Бүребай тау-байыҡтырыу комбинаты территорияһын санациялау, Төйәләҫ ятҡылығының карьер һыуҙарын таҙартыу ҡаралған.

Кәңәшмә һөҙөмтәләре буйынса фәнни учреждениелар һәм тау сеймалын табыу өлкәһендәге предприятиелар араһында сәнәғәт предприятиелары ағыҙған һыуҙарҙы таҙартыу технологияларын һайлауҙан алып, уларҙы һыу объекттарына ағыҙыу мәсьәләләре буйынса хеҙмәттәшлек булдырыу тураһында ҡарар ҡабул ителде.

#экология #тәбиғәтте һаҡлау

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.