Башҡортостан һәм Өфө яңылыҡтары
57.57
+2.27
54.39
+1.66
90.92
+2.06
4+ °C
Болотло
Бөтә яңылыҡтар
Иҡтисад
23 Март 2012, 14:18

Рәсәйҙәге берҙән-бер банк-ара кимәлдәге бюро 70 млн кредит тарихын берләштерә

Милли кредиттар тарихы бюроһында рәсәйлеләрҙең 70 миллион самаһы кредит тарихы тупланған. Был мәғлүмәт базаһынан 600-ҙән ашыу финанс ойошмаһы файҙалана ала. Был хаҡта Өфөлә барған «Банктар. Процестар. Стандарттар. Сифат» ғилми-ғәмәли конференцияһында Рәсәй банктары ассоциацияһы президенты Гарегин Тосунян белдерҙе. Кредиттар тарихы баҙарын ул банк тармағындағы иң әүҙем үҫешкән өлкәләрҙең береһе тип атаны, ә Рәсәй банктары ассоциацияһы башланғысы менән булдырылған Милли бюро был баҙарҙа лидер һанала.
Гарегин Тосунян әйтеүенсә, бөгөнгө көндә ул айырым кредит ойошмаһы ҡарамағындағы ғына түгел, Рәсәйҙә банк-ара кимәлдәге берҙән-бер заемсылар мәғлүмәттәре базаһы булып тора. Банктарҙан тыш, Милли бюро мәғлүмәттәренән бер нисә страховка компанияһы, коллектор агентлыҡтары һәм башҡалар – йәмғеһе 600-ҙән ашыу ойошма файҙалана ала.
Ассоциация башлығы әйтеүенсә, мәғлүмәттәр базаһының «мөмкин ҡәҙәр бер флаконда» булыуы һәм уның менән мөмкин тиклем күберәк баҙар уйынсыларының файҙалана алыуы – уның төп ҡиммәте.
Автор:Әлфиә Шәрәфетдинова
Читайте нас в