Өфөлә «Күсемһеҙ милек. Яҙ–2012» күргәҙмә-йәрминкәһе асылды

Рәсүл Хәмиҙуллин

Өфөнөң Ҡала мәҙәниәт һарайында бөгөн XVIII «Күсемһеҙ милек. Яҙ–2012» күргәҙмә-йәрминкәһе асылды. Ойоштороусылары булып БР Төҙөлөш һәм архитектура буйынса дәүләт комитеты, БР Сауҙа-сәнәғәт палатаһы һәм «Планета Азимут» күсемһеҙ милек буйынса берҙәм мәғлүмәт хеҙмәте сығыш яһай.

Күргәҙмәнең төп маҡсаты — күсемһеҙ милек баҙарының төп операторҙары араһында һөҙөмтәле аралашыу һәм тәжрибә уртаҡлашыу майҙансығы булдырыу.

— «Күсемһеҙ милек. Яҙ–2012» күргәҙмәһе төҙөлөш өлкәһендәге мөмкинлектәребеҙҙе күрһәтә. Йыл һайын ҡатнашыусыларҙың арта барыуы ҡыуандыра. Был тәү сиратта республикала төҙөлөш тармағының үҫешеүе тураһында һөйләй, — тине XVIII «Күсемһеҙ милек. Яҙ–2012» күргәҙмә-йәрминкәһен асыу тантанаһында БР Төҙөлөш һәм архитектура буйынса дәүләт комитеты рәйесе урынбаҫары Урал Ураҡсин.

Күргәҙмәнең төп экспоненттары – торлаҡ йорттар һәм коттедж ҡасабалары төҙөүсе эре компаниялар. Улар араһында «Өфө Инвестиция-төҙөлөш комитеты» муниципаль унитар предприятиеһы, БР Торлаҡ төҙөлөшө фонды бар. Банк секторы һәм финанс структуралары ла ҡатнашыуға теләк белдергән. Улар ипотека кредитлауы буйынса яңы продукттар һәм торлаҡ һатып алыу өсөн башҡа инструменттар тәҡдим итә. Бынан тыш, күргәҙмәлә сит илдәрҙең күсемһеҙ милек баҙары вәкилдәре — Төркиәнән, Таиландтан, Болгариянан төҙөлөш менән шөғөлләнеүсе компаниялар әүҙем ҡатнаша.

Өфө хакимиәте башлығы урынбаҫары, Муниципаль милек менән идара итеү комитеты рәйесе Азамат Сәғитов фекеренсә, яҙғы күсемһеҙ милек күргәҙмәһе республикала 2012 йылдағы әүҙем төҙөлөшкә старт бирергә тейеш.

Күргәҙмә-йәрминкәнең эше һәр ваҡыттағыса ҙур эш программаһы менән оҙатылып бара, уның сиктәрендә бер нисә түңәрәк өҫтәл һәм семинар планлаштырылған. Шулай уҡ сарала ҡатнашыусы компанияларҙың объекттарының презентацияһы үткәреләсәк.

Был сара Өфө һәм республика халҡына реаль ваҡыт режимында торлаҡ һәм ер буйынса тәҡдимдәрҙе күрергә һәм кредит алыу мәсьәләләре буйынса банктан консультациялар алырға мөмкинлек бирә.

#күсемһеҙ милек #күргәҙмәләр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.