70.86
0
82.5
0
85.66
+1.05
5+ °C
Облачно
Бөтә яңылыҡтар
Иҡтисад
19 Март 2012, 13:12

Республиканың төҙөлөш тармағына квалификациялы кадрҙар етмәй

Йыл һайын Башҡортостандың төҙөлөш тармағы 3700-ләгән дипломлы йәш кадрҙар менән тулылана. БР Төҙөлөш һәм архитектура буйынса дәүләт комитеты рәйесе ярҙамсыһы Рөстәм Туҡаевтың әйтеүенсә, был күрһәткес 4500 йәш белгес кимәлендә булырға тейеш.
— Кадрҙар дефицитын бөтөрөргә кәрәк. Йыл һайын кемдер хаҡлы ялға сыға, кемдер башҡа төбәктәргә күсеп китә, — тип билдәләне Рөстәм Туҡаев. – Республикала квалификациялы эшсе кадрҙарға ҡытлыҡ булыуы һиҙелә. Иң тәүҙә ташсылар һәм иретеп йәбештереүселәр талап ителә.
Дәүләт комитеты рәйесе ярҙамсыһы һүҙҙәренсә, белгестәр әҙерлегенең түбән кимәле етди проблема булып тора.
— Юғары квалификациялы белгестәр әҙерләү кимәле Европа илдәренән күпкә ҡалыша, — тип һыҙыҡ өҫтөнә алды Рөстәм Туҡаев. – Был хәлде яйға һалыр өсөн, бөтә кадрҙар әҙерләү системаһын ҡайтанан ҡарарға кәрәк.
Автор:Рәсүл Хәмиҙуллин