Приютта эшҡыуарҙар өсөн бушлай консультациялар үтә

Бәләбәй районының Приют ҡасабаһында бөгөн, 14 мартта, бизнес алып барыу һәм финанс грамоталылыҡты күтәреү мәсьәләләре буйынса күсмә консультациялар көнө үтә.

БР Эшҡыуарлыҡ һәм туризм буйынса дәүләт комитетында хәбәр итеүҙәренсә, сараның ойоштороусылары булып Бәләбәй районының Бәләкәй һәм урта эшҡыуарлыҡты үҫтереү һәм уларға ярҙам фонды сығыш яһаған. Унда «БР Микрофинанслау үҙәге»нең урындағы офисы хеҙмәткәре ҡатнаша. Ул микрофинанслау төрөндә бәләкәй эшҡыуарлыҡҡа дәүләт ярҙамы күрһәтеү мәсьәләләре һәм микрозаймдар алыуға заявкалар тултырыу тәртибе буйынса консультация бирә.