Башҡортостан һәм Өфө яңылыҡтары
57.41
-1.04
55.41
-0.32
88.45
-0.04
4+ °C
Болотло
Бөтә яңылыҡтар
Иҡтисад
14 Март 2012, 18:25

Өфөлә «ҡатын-ҡыҙҙар» вакансиялары йәрминкәһе үтәсәк

Кесе йома, 15 мартта, Өфөлә ҡатын-ҡыҙҙар өсөн тағы бер вакансиялар йәрминкәһе үткәреләсәк.
«Башинформ» агентлығына Өфөләге Халыҡты эш менән тәьмин итеү үҙәгенең предприятиелар менән бәйләнештәр бүлеге начальнигы Ирина Турчина хәбәр итеүенсә, алдағы «ҡатын-ҡыҙҙар» вакансиялары йәрминкәһендә күмәртәләп һәм берәмләп һатыу, дөйөм туҡланыу ойошмалары, шулай уҡ ҡунаҡханалар һәм ресторандар буш эш урындары тәҡдим итәсәк.
— Ҡаланың 30-ҙан ашыу предприятие һәм ойошмаһы йәрминкәлә ҡатнашырға теләк белдерҙе. Эш эҙләүселәргә дөйөм туҡланыу, страховкалау, сауҙа, шулай уҡ еңел һәм текстиль сәнәғәт өлкәләрендә буш эш урындары тәҡдим ителәсәк, - тине Ирина Турчина.
Йәрминкә Ибраһимов бульвары, 47/1 адресы буйынса Өфөнөң Халыҡ мәшғүллеге үҙәгендә үтәсәк. Башлана – 10 сәғәттә.
Автор:Галина Бахшиева
Читайте нас в