Понедельник, 25 Мая 2026

Уфа

+14 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

09:53 (UTC+5), 13 Марта 2012

Өфөлә «АгроКомплекс–2012» халыҡ-ара махсуслаштырылған күргәҙмәһе асылды

Галина Бахшиева

Бөгөн Өфөлә «АгроКомплекс-2012» 22-се халыҡ-ара махсуслаштырылған күргәҙмәһе асылды. Әлеге ваҡытта ул республикалағы берҙән-бер агросәнәғәт күргәҙмәһе һәм бер үк ваҡытта төбәк проекттары араһында иң ҙур ауыл хужалығы форумы иҫәпләнә.

«АгроКомплекс»ты асыу тантанаһында Башҡортостан Президенты Рөстәм Хәмитов ҡатнашты. Республика башлығы әйтеүенсә, бындай күләмдәге агросәнәғәт комплексы ҡаҙаныштары күргәҙмәһен үткәреү – Башҡортостан өсөн үтә мөһим ваҡиға.

— Барығыҙҙы ла республикала «АгроКомплекс–2012» махсуслаштырылған күргәҙмәһе эшләй башлауы уңайынан ҡотлайым. Беҙҙең күргәҙмәлә Нидерландтың Рәсәй Федерацияһындағы Ғәҙәттән тыш һәм Тулы хоҡуҡлы илсеһе Рональд Келлер етәкселегендәге Нидерланд Короллегенең ҙур делегацияһын сәләмләйем. «АгроКомплекс»тың халыҡ-ара кимәлгә күтәрелеүе ҡыуандыра, — тине Рөстәм Хәмитов.

— Башҡортостанда эре ауыл хужалығы етештереүселәре эшләй, — тип дауам итте Президент. — Беҙ республиканың ауыл хужалығы ҡеүәттәрен арттыра барасаҡбыҙ һәм аграрийҙарға уларҙың эшендә бөтә яҡлап ярҙам итәсәкбеҙ. Пландарыбыҙ ҙур. Уларҙың үтәлешенә ҙур ресурстар һалғанбыҙ. Йыл һайын республикала ауыл хужалығы продукцияһы һиҙелерлек арта барһын, тигән теләктәбеҙ. Беҙ былай ҙа бөгөн Рәсәйҙә ауыл хужалығы производствоһында алдынғыларҙың береһе булып торабыҙ. Беҙҙең маҡсат – ауыл хужалығы буйынса илдә бер һүҙһеҙ лидерлыҡҡа өлгәшеү, — тип һыҙыҡ өҫтөнә алды Рөстәм Хәмитов.

Хәтерегеҙгә төшөрәйек, «АгроКомплекс–2012» күргәҙмәһендә Рәсәйҙең 20 төбәгенән, шулай уҡ сит илдәрҙән 190-ға яҡын предприятие ҡатнаша. «АгроКомплекс»тың ойоштороусылары булып Рәсәйҙең Ауыл хужалығы министрлығы менән РФ Сауҙа-сәнәғәт палатаһы ярҙамында БР Ауыл хужалығы министрлығы, Башҡортостан күргәҙмә компанияһы сығыш яһай.

1 из 20

#агрокомплекс-2012 #ауыл хужалығы #күргәҙмәләр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.