Башҡортостан предприятиелары MOSCOW HALAL EXPO 2012 күргәҙмәһендә ҡатнашасаҡ

Тимур Рәхмәтуллин

Башҡортостандың бер нисә предприятиеһы 7-10 июндә Бөтә Рәсәй күргәҙмә үҙәгендә үтәсәк «MOSCOW HALAL EXPO 2012» III халыҡ-ара күргәҙмәһендә ҡатнашырға ниәтләй.

«Башинформ» агентлығына БР мосолмандары Диниә назараты ҡарамағындағы «Хәләл» стандарты буйынса комитет етәксеһе Тимур Шәңгәрәевтең хәбәр итеүенсә, 2011 йылда был күргәҙмәлә беҙҙең төбәктән 15-ләгән предприятие ҡатнашҡан.

— Башҡортостандан ҡатнашҡандарҙың теүәл иҫәбен әйтеүе ҡыйын, — тине ул. – Әлегә барыһы ла заявка биреүҙәре тураһында хәбәр итмәне. Шулай ҙа быйыл ҡатнашасаҡ предприятиелар былтырғынан аҙ булмаҫ, тип уйлайым.

«MOSCOW HALAL EXPO 2012» күргәҙмәһе хәләл продукция етештереү һәм таратыуға, хәләл хеҙмәттәр күрһәтеүгә иғтибар йәлеп итеү, шәриғәт ҡанундарына яуап биргән продукция баҙарын киңәйтеү, ислам бизнесы һәм финанстарын үҫтереү, бизнес һәм производствола әхлаҡ принциптарын үҫтереү, тәжрибә уртаҡлашыу, Рәсәй һәм мосолман илдәре араһындағы эшлекле мөнәсәбәттәрҙе нығытыу һәм ислам мәҙәниәте майҙансығын булдырыу маҡсатында ойошторола.

Рәсәй төбәктәренән, БДБ илдәренән, сит илдәрҙән (Иран, Төркиә, Бөйөк Британия, Пакистан, Сауд Ғәрәбстаны, Малайзия, Индонезия) хәләл-индустрияла эшләгән 150-нән ашыу компания күргәҙмәлә ҡатнашыуға йәлеп итәләсәк.

Күргәҙмә сиктәрендә төрлө бизнес-форумдар һәм конференциялар, инвестиция проекттарының презентациялары, Ислам бизнес-клубының йыйылышы, милли аш-һыу, яулыҡ бәйләү, шамаилдар төшөрөү һәм башҡалар буйынса оҫталыҡ дәрестәре, ислам модаһын күрһәтеү, конкурстар, семинарҙар үтәсәк.

#хәләл #күргәҙмә #дин

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.