Башҡортостан һөтө Волга буйы федераль округында иң арзаны булып ҡала

Ғәлиә Нәбиева

Башҡортостандағы 2,5-3,2% майлылыҡтағы айыртылмаған стерилләнгән һөт Волга буйы федераль округында иң арзаны булып ҡала. Бер литрҙың хаҡы республикала, статистиктар мәғлүмәттәренә ярашлы, уртаса алғанда 37 һум 5 тингә тиң. Округта ошондай уҡ майлылыҡтағы иң ҡыйбат һөт Киров өлкәһендә теркәлгән – 49 һум 46 тин.

Төп аҙыҡ-түлек продукттары араһында арзан хаҡтар буйынса республика исемлек уртаһында килә. Шулай итеп, иң арзан һыйыр ите Һарытау өлкәһендә — 215,22 һум, ә ҡыйбаты Мордовияла — 259,49 һум. Башҡортостанда уртаса алғанда бер килограмм һыйыр ите 241 һумдан һатыла.

Иң ҡыйбат сыр Пермь крайында – килоһы 273,61 һум. Иң арзан сыр Һарытау өлкәһендә — 223,73 һум. Башҡортостанда иһә бер килограмм сыр 262,44 һумға барып баҫасаҡ.

Һуңғы айҙарҙа бөтә төбәктәрҙә лә тауыҡ йомортҡаһына хаҡтар артыуы күҙәтелгән. Һөҙөмтәлә Башҡортостанда 30 ғинуарға ҡарата уларҙың ун данаһының хаҡы 36,12 һум булған. Дөйөм алғанда Волга буйы федераль округында йомортҡаларҙың хаҡы төрлөсә билдәләнгән: Мордовияла 31,6 һумдан һатылһа, Һамарҙа улар 42,16 һум тора.

Иң арзан икмәк тә Мордовияла – 22,18 һум, иң ҡыйбаты Пермь крайында – 33 һумдан ашыу.

Иң арзан продукттар буйынса Волга буйы федераль округында дөйөм алғанда Һарытау өлкәһе беренсе урында килә, Һарытауҙа 13 төп аҙыҡ-түлек продукты буйынса иң арзан хаҡтар теркәлгән. Ҡыйбат аҙыҡ-түлек буйынса рекорд, Башҡортостанстат мәғлүмәттәренә ярашлы, Пермь крайына тура килә. Бында бер юлы 18 төр тауар округ буйынса иң ҡыйбатлыһы тип табылған.

#хаҡтар #аҙыҡ-түлек баҙары #төҙөү

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.