Понедельник, 4 Мая 2026

Уфа

+18 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

05:37 (UTC+5), 18 Января 2012

Рөстәм Хәмитов «Газпром» йәмғиәте идараһы рәйесе Алексей Миллер менән осрашты

Сергей Захаров

17 ғинуарҙа Мәскәүҙә Башҡортостан Президенты Рөстәм Хәмитов «Газпром» асыҡ акционерҙар йәмғиәте идараһы рәйесе Алексей Миллер менән осрашты. Республика башлығының матбуғат хеҙмәтенән хәбәр итеүҙәренсә, Башҡортостанды газ менән тәьмин итеү, республикала «Газпром нефтехим Салауат» предприятиеһы нигеҙендә технопарк менән Бөтә Рәсәй газ химияһы үҙәген ойоштороу, тораҡ пункттарға газ үткәреү, компанияның спорт сараларында ҡатнашыуы, социаль яуаплылығы мәсьәләләре тикшерелде.

Журналистар менән осрашыуҙа, 2011 йылда Башҡортостанда «Газпром»дың һәм уның структураларының эшмәкәрлегенә йомғаҡтар тураһында һөйләгәндә, Рөстәм Хәмитов «бик яҡшы һөҙөмтәләргә өлгәшелеүен» һыҙыҡ өҫтөнә алды.

— Республикала газ менән тәьмин итеү күрһәткесе артты һәм 17 миллиард кубометрға тиерлек етте. Был һуңғы 18 йылдағы иң яҡшы һөҙөмтә, Башҡортостан сәнәғәтенең, энергетикаһың үҫештә булыуын дәлилләй. Сәнәғәт производствоһының тотороҡло үҫешеүенең беренсе күрһәткесе был, — тине республика Президенты.

Салауат ҡалаһында технопарк ойоштороу тураһында ла һүҙ алып барылды. «Бөгөн беҙ ошо ҙур, республика өсөн кәрәкле һәм мөһим проектты томошҡа ашыра башланыҡ. Алексей Борисович башланғысыбыҙҙы тулыһынса хуплай һәм һәр яҡлап ярҙам итергә вәғәҙә бирҙе», — тип хәбәр итте Рөстәм Хәмитов.

Осрашыуҙа «Газпром нефтехим Салауат» йәмғиәтендә Бөтә Рәсәй газ химияһы үҙәген ойоштороуға бәйле мәсьәләләр ҙә ситтә ҡалманы. «Сеймал менән тәьмин итеү мәсьәләләрен ҡараныҡ, әле Салауаттағы производствоны үҫтереү варианттарын эҙләйбеҙ. Алдағы бер нисә йылда бөгөнгө көндә төҙөлгән пландарыбыҙҙың һөҙөмтәләрен күрә башларбыҙ, тип уйлайым», — тип белдерҙе республика башлығы.

— Быларҙан тыш, беҙҙе, һис шикһеҙ, социаль өлкәләге берлектәге проекттар ҙа ҡыҙыҡһындыра. «Газпром» Бөтә донъя балалар уйындарының иң ҙур бағыусыларының береһе булараҡ был проекттарҙа ҡатнаша алыр ине, тип уйлайым. Ошо күләмле спорт сараларын үткәреүҙә ярҙам күрһәтеүгә Алексей Борисовичтың алдан ризалығын алдыҡ. Бынан тыш, «Газпром»дың йәштәрҙең хоккей буйынса донъя чемпионатын һәм башҡа спорт сараларын үткәреүҙә ҡатнашыуына бәйле мәсьәләләр ҙә ҡарала.

Беҙ йәнә Башҡортостандың «Газпром» — балаларға» кеүек ҙур программала ҡатнашыу мәсьәләһен ҡарайбыҙ һәм яҡын арала республикала «Газпром» ярҙамында төҙөлгән объекттар барлыҡҡа киләсәк, тип уйлайым. Улар спорт ҡоролмалары, социаль объекттар буласаҡ. Ҡыҫҡаһы, «Газпром» бөтә ил балаларына тәҡдим иткәндәрҙе республикала ла булдырасаҡ, — тине Президент.

«Газпром» менән хеҙмәттәшлек итеү буйынса ҙур пландар булыуын һыҙыҡ өҫтөнә алды Рөстәм Хәмитов. Уның әйтеүенсә, ауылдарға газ үткәреүҙе дауам итеү өсөн «Газпром» быйыл Башҡортостанға айырыуса ҙур сумма – 300 миллион һум бүлә.

— 2011 йылда был 70 миллион һум ине. Ошо аҡсаларҙы үҙләштереү буйынса һәйбәт һәм уңышлы эшләүебеҙ республиканың газ үткәреүҙәге мөмкинлектәрен күрһәтте. Шуға күрә беҙгә ошо сумма бүленде. Әгәр был аҡсаларҙы тейешенсә үҙләштерә алһаҡ, бәлки ике йылдан һуң 500 миллион һум күләмендәге финанслауға өлгәшербеҙ. Шулай итеп өс-биш йылда Башҡортостан ауылдарына газ үткәреүҙе тамамларға тейешбеҙ, — тип һығымта яһаны республика башлығы.

1 из 12

#бр президенты осрашыуҙары #газпром

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.