Һалым түләүселәргә ярҙамға финансист календары төҙөлдө

Һәр төрлө һалымдарҙы ҡасанға тиклем түләргә кәрәк булыуын хәтерҙә тотоуы еңел түгел — ҡул аҫтында финансист календаре булыуы уңайлыраҡ. Уны йыл һайын БР Финанс министрлығы әҙерләй. Ведомство сайтында 2012 йылға календарь бирелгән дә инде.

— Унда федераль һәм Башҡортостан Республикаһы ҡануниәттәренә ярашлы предприятиелар, ойошмалар, шәхси эшҡыуарҙар һәм физик шәхестәрҙең һалым һәм йыйымдар буйынса йөкләмәләрен башҡарыу срогының ҡасан сығыуын билдәләүсе даталар күрһәтелгән. Шулай итеп, был календарь юридик шәхестәр өсөн дә, ябай халыҡҡа ла ҙур ярҙамсы буласаҡ, — тип аңлаттылар министрлыҡта.

Уға даими күҙ һалып, штраф һәм пениларҙа экономияларға, тәртипле һалым түләүсе данын алырға мөмкин.