Өфөлә МЕГА асылды

Любовь Колоколова

Кисә кискеһен Өфөлә МЕГА ғаилә сауҙа үҙәген асыу тантанаһы үте. Был ваҡиға Башҡортостандың баш ҡалаһы халҡы өсөн Яңы йыл бүләге кеүек булды.

«МЕГА йондоҙҙар ҡабыҙа» байрамына абруйлы ҡунаҡтар саҡырылғайны. Улар араһында Дәүләт Думаһы депутаты статусында килгән Павел Качкаев, Өфө ҡалаһы ҡала округы хакимиәте башлығы вазифаһын башҡарыусы Ирек Ялалов һәм башҡа власть органдары вәкилдәре булды.

Тантанала ҡатнашыусыларҙы МЕГА сауҙа үҙәген асыу уңайынан МЕГА-Өфө идарасыһы Йоаким Хогсандер, төбәктәге ИКЕА МОС директоры Хокан Нильсон ҡотланы. Тәбрикләү һүҙҙәренән һуң символик ҡыҙыл төймәгә баҫтылар һәм Яңы йыл уттары тоҡанды, бөтә тирә-яҡ яҡтылыҡҡа күмелде. МЕГА тулы ҡеүәтенә эшләй башланы.

МЕГА ғаилә сауҙа үҙәге – Рәсәйҙәге ИКЕА компанияһының инвестицион проекты. Комплекс төҙөүгә 8 млрд һум аҡса сарыф ителгән, дөйөм алғанда 3000 эш урыны булдырылған. Бынан тыш, ҡалала өҫтәмә юлдар барлыҡҡа килгән. Комплекс айына бер миллион самаһы һатып алыусыға иҫәпләнгән. Комплекстағы киң ассортименттағы аҙыҡ-түлек тауарҙары араһында республикала етештерелгәндәренә лә урын биреләсәк. Был хаҡта журналистарға тантана һуңынан ойошторолған брифингыла һөйләнеләр.

Сауҙа үҙәге етәкселәре әйтеүенсә, МЕГА концепцияһы халыҡҡа һатып алыуҙарҙы, бөтә ғаилә менән ял итеүҙе һәм күңел асыуҙы берләштерергә мөмкинселек биреп, рәсәйлеләр алдында ялды ойоштороуҙың өр-яңы яҡтарын аса.

МЕГА-Өфө сауҙа үҙәгендә һәр төрлө тауар һәм хеҙмәттәр тәҡдим итеүсе 187 арендаторҙың магазиндары асыла. ИКЕА магазины, «Ашан» гипермаркеты һәм Леруа Мерлендың «Үҙең эшлә» форматындағы магазины комплекстың төп ҡуртымға алыусылары буласаҡ.

Сауҙа үҙәгенә килеүселәр өсөн кафе һәм ресторандар, һырғалаҡ һәм балалар өсөн уйын майҙандары эшләй башланы. Шулай уҡ был көндө МЕГА ҡунаҡтары фигуралы шыуыусыларҙың күрһәтмә сығыштарын ҡараны.

1 из 10

#сауҙа #яңы йыл

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.